ԱՄՆ-ում այսօր՝ նոյեմբերի 8-ին, մեկնարկել են ԱՄՆ կոնգրեսի միջանկյալ ընտրությունները։ ԱՄՆ նախագահ Ջո Բայդենի ղեկավարած դեմոկրատները կանգնած են երկրի օրենսդիր մարմնի երկու պալատներում մեծամասնությունը կորցնելու վտանգի առջև։
Հարցումների համաձայն՝ նախկին նախագահ Դոնալդ Թրամփի գլխավորած հանրապետականները լավ հնարավորություն ունեն ներկայացուցիչների պալատի վերահսկողությունը վերականգնելու և սենատում մեծամասնություն ստանալու համար։
Միջանկյալ ընտրությունները կորոշեն ներկայացուցիչների պալատի բոլոր 435 տեղերի և սենատի 100 տեղերից 35-ի ճակատագիրը։ Երկու պալատներում մեծամասնության կորուստը լրջորեն կբարդացնի Բայդենի կառավարումը, քանի որ հանրապետականները կկարողանան ամբողջությամբ արգելափակել նրա օրակարգը կոնգրեսում։