ԱՄՆ-ի նախկին նախագահ հանրապետական Դոնալդ Թրամփը կարծում Է, որ Հանրապետական կուսակցությունը շատ հավանական Է «մեծ հաջողության» կհասնի Միացյալ Նահանգների Կոնգրեսի միջանկյալ ընտրություններում, որոնք տեղի են ունենում երեքշաբթի օրը: Նրա խոսքը մեջբերում Է Fox News հեռուստաալիքը:
«Կարծում եմ՝ դա շատ հետաքրքիր կլինի: Հնարավոր Է՝ ամենահետաքրքրական միջանկյալ ընտրությունները, որոնք երբեւԷ եղել են: Ես գտնում եմ՝ մենք մեծ հաջողության ավելի շատ շանսեր ունենք»,- ասել Է Թրամփը հանրահավաքի ավարտից հետո, որը տեղի Է ունեցել երկուշաբթի օրն ուշ երեկոյան: Նոյեմբերի 8-ի առավոտյան ԱՄՆ-ում սկսվել Է քվեարկությունը միջանկյալ ընտրություններում: Այնտեղ կընտրվեն Կոնգրեսի Ներկայացուցիչների պալատի բոլոր անդամները, ինչպես նաեւ Սենատի մեկ երրորդը, նահանգների մեծ մասում տեղի կունենան նահանգապետերի ընտրություններ: Առաջին ընտրական տեղամասերը բացվել են 05:00-ին երկրի հյուսիս – արեւելքի Վերմոնտի նահանգում, հաղորդել Է ՏԱՍՍ-ը:
