CIES Football Observatory հեղինակավոր սպորտային հետազոտությունների կենտրոնը հրապարակել է Եվրոպայի ամենաթանկարժեք երիտասարդ ֆուտբոլիստների ցուցակը։ Հետազոտությունն անց է կացվել Եվրոպայում ելույթ ունեցող մինչև 25 տարեկան 15 հազար ֆուտբոլիստների շրջանում։ Առաջին հորիզոնականում է պորտուգալական «Բենֆիկայի» 21-ամյա արգենտինացի կիսապաշտպան Էնցո Ֆերնանդեսը։ Վերջինիս տրանսֆերային աեքը գնահատված է 61 միլիոն եվրոյով։ Լավագույն եռյակում տեղ են գտել հոլանդական ՊՍՎ-ի 23-ամյա հարձակվող Կոդի Գապկոն, ինչպես նաև «Պորտուի» դարպասապահ Դիոգու Կոշտան։ Նրանց տրանսֆերային արժեքը գնահատված է 58-ական միլիոն եվրոյով։ Եվրոպայի ամենաթանկ երիտասարդ ֆուտբոլիստների ցուցակում տեղ են գտել նաև հայեր։ Եվ այսպես ըստ հետազոտական կենտրոնի Ռուսաստանի ամենաթանկարժեք երիտասարդ ֆուտբոլիստը Հայաստանի ազգային հավաքականի և «Կրասնոդարի» 22-ամյա կիսապաշտպան Էդուարդ Սպերցյանն է։ Վերջինիս տրանսֆերը գնահատված է 16 միլիոն եվրոյով։ Հայաստանի ազգային հավաքականի ֆուտբոլիստն այս հաշվարկում շրջանցել է Ռուսաստանի ազգային հավաքականի և Մոսկվայի «Դինամոյի» կիսապաշտպան 19-ամյա Արսեն Զախարյանին։
Վերջինիս տրանսֆերային արժեքը կազմում է 14 միլիոն եվրո։ Նույնքան է գնահատված է նաև Սանկտ Պետերբուրգի «Զենիթի» 21-ամյա բրազիլացի կիսապաշտպան Գուստավո Մանտուանի տրանսֆերը։ Վերջինս Զախարյանի հետ Ռուսաստանի ամենաթանկ երիտասարդ ֆուտբոլիստների հաշվարկում կիսում է երրրորդ հորիզոնականը։ Երկրորդ հորիզոնականում է Մոսկվայի ԲԿՄԱ-ի 24-ամյա կոլումբիացի կիսապաշտան Խորխե Կարասկալը։ Վերջին շրջանում Սպերցյանի վերելքը տրանսֆերային հարթակում կարելի է համարել աննախադեպ։ Ընթացիկ մրցաշրջանում Սպերցյանը Ռուսաստանի Պրեմիեր լիգայում արդեն 9 գնդակ է խփել։ Transfermarkt-ը Սպերցյանի տրանսֆերային արժեքը գնահատում է 9 միլիոն եվրո։ Հավանականությունը մեծ է, որ առաջիկա օրերին նշված պարբերականը կթարմացնի տվյալերը, որի արդյունքում Սպերցյանի տրանսֆերը զգալիորեն կավելանա։ Այս տարվա մայիսին Սպերցյանի տրանսֆերը կրկնապատկվել էր դառնալով 6 միլիոն եվրո։ Նա հանդիսանում է մեր ազգային թիմի երկրորդ ամենաթանկ ֆուտբոլիստը։ Առաջին տեղում ամերիկյան «Կոլամբուս Քրյուի» կիսապաշտպան Լուկաս Սելարայանն էր, որի տրանսֆերային արժեքը գնահատված է 8 միլիոն եվրոյով։
Այս տարվա սեպտեմբերին սակայն Սպերցյանի տրանսֆերը ավելացավ ևս 3 միլիոնով և հիմա նա Հայաստանցի ամենաթանկ ֆուտբոլիստն է։ Վերջին շրջանում շատ է խոսում «Կրասնոդարի» հայ տաղանդի Ռուսաստանի առաջնությունից հեռանալու և բարձրակարգ ակումբ տեղափոխվելու մեծ հավանականության մասին։ Մեր հավաքականի կիսապաշտպանի շուրջ ստեղծվել է նոր իրավիճակ։ Ըստ մամուլում շրջանառվող լուրերի Սպերցյանի ծառայություններով հետաքրքրված են անգլիական, հոլանդական և իտալական մի շարք ակումբներ։ «Կրասնոդարի» հայազգի սեփականատեր Սերգեյ Գալիցկին իր հերթին նշել էր, որ Սպերցյանի տրանսֆերը կվաճառեն միայն եթե առաջարկ ստանան եվրոպական թոփ-ակումից։ Այս տարվա հունիսի 4-ին Սպերցյանի տպավորիչ գոլի շնորհվ Հայաստանի ազգային հավաքականն Ազգերի լիգայի առաջին տուրում Երևանում 1։0 հաշվով առավելության հասավ Իռլանդիայի նկատմամբ։ Գոլ, որն ՈւԵՖԱ-ի կողմից ընդգրկվեց լավագույնների շարքում։ Գոլ, որը մեծացրեց հետաքրքրությունը հայ տաղանդի նկատմամբ։ Սպերցյանն Իռլանդիայի դարպասը գավեց նաև սեպտեմբերի 27-ին Դուբլինում տեղի ունեցած պատասխան մրցավեճում։ Ստեղծված իրավիճակում հավական է, որ «Կրասնոդարի» ղեկավարությունը և մասնավորապես Գալիցկին համաձայնվի ժամանակից շուտ վաճառել հայ ֆուտբոլիստի տրանսֆերը։
Այն, որ Սպերցյանը պետք է հեռանա ճահճում հայտնված Ռուսաստանի Պրեմիեր լիգայից կարծում ենք պարզ է։ Ձմեռային տրանսֆերային պատուհանի ընթացքում թոփ ակումբից լավ առաջարկի դեպքում կարծում ենք Գալիցկին չի խոչընդոտի հայ ֆուտբոլիստի առաջխաղացմանը կարիերայում։ Ավելին, վաճառելով Սպերցյանի տրանսֆերը «Կրանոդարը» կլորիկ գումար կստանա։
