2023 թվականի Երևանի քաղաքապետի ընտրություններին չի բացառվում «Հայրենիք» կուսակցության ղեկավար Արթուր Վանեցյանի մասնակցությունը։
Այսօրվա հանրահավաքի ժամանակ այս մասին լրագրողներ հետ զրույցում ասել է Արթուր Վանեցյանը՝ նշելով, որ Երևանի քաղաքապետի ընտրություններին դեռ բավական ժամանակ կա։
«Ոչ բացառում եմ իմ մասնակցությունը, ոչ էլ չեմ բացառում։ Այս պահին կթողնեմ առանց մեկնաբանության։ Կարծում եմ՝ մյուս տարվա մեջ այդ հարցին կանդրադառնամ»,- ասել է Վանեցյանը։
Հիշեցնենք, այսօր՝ նոյեմբերի 5-ին, Երևանի Ֆրանսիայի հրապարակում ընդդիմությունը միասնության հանրահավաք էր նախաձեռնել։
