Նախօրեին ՌԴ նախագահ Վլադիմիր Պուտինը պատվո շքանշանով է պարգևատրել Ամենայն Հայոց Կաթողիկոս Գարեգին Երկրորդ հայրապետին՝ Ռուսաստանի և Հայաստանի միջև մշակութային և հումանիտար կապերի զարգացման գործում ներդրած մեծ ավանդի համար։
Այս առնչությամբ Քրիստոնեա-ժողովրդավարական կուսակցության ղեկավար Լևոն Շիրինյանը «Առաջին լրատվական»-ի հետ զրույցում նշեց. «Պուտինի Հայաստանում խրախուսում է հակապետական տարրերին, գողապետության պարագլուխներին, և շնորհակալություն է հայտնում այն ծառայության համար, որ ցուցաբերեցին նրնք արցախյան պատերազմում պարտության գործում: Երկրորդն այն, որ խրախուսում է հենց հանրահավաքի նախօրյակին, խրախուսում է հանրահավաքը, որը, ըստ էության, ռևանշիստների կազմակերպած հակապետական խռովություն է, պուտչ է: Եվ երրորդը, սրանով պարգևատրում է 5-րդ շարասյանը: Սա իրենց համար պատվո շքանշան է, իսկ Հայաստանի և հայ ժողովրդի համար պատվազրկման շքանշան է: Գարեգին Բ-ն հեղափոխությունից հետո շատ ավելի մեծ ատելությամբ է լցված ժողովրդի հանդեպ՝ անտեսելով այն պարագան, որ ինքը հոգևորականի աթոռին է նստած: Ինքը հոգևորական չէ, բայց մեր եկեղեցու հոգևոր առաջնորդի աթոռին է նստած»:
Նա նաև կարծիք հայտնեց, որ սա կարող է նաև Հայաստանի անկախ պետականության դեմ պայքարի նոր ալիքի սկիզբն է:
Շիրինյանը նաև պատմական ակնարկ արեց՝ նշելով. «Ռուսաստանը Կովկասի թաթարների վրա աշխատել է թաթար բեկերի միջոցով: Պատահական չէ, որ ռուսները տիրացան Արևելյան Այսրկովկասին և ղարաբաղցիների վզին նստեցրին թաթար կալվածատերերին: Ղարաբաղիցները շշմել էին, որովհետև իրենք էին բերել ռուսներին: Վրացիներին սկսեցին կառավարել վրացի իշխանների միջոցով՝պարգևներ, տիտղոսներ տալով: Իսկ հայ հանրության վրա սկսեցին աշխատել եկեղեցու սպասավորների միջոցով: Հիմա Պուտինի արածը այդ ավանդույթ ունի: Պետք չէ անտեսել պատմությունը:
Ժամանակին Պապ թագավորը ռեֆորմներ արեց, եկեղեցականներ սպանվեցին, որի հետո եկեղեցականները դրանից դիմեցին Բյուզանդիային և բողոքում էին սեփական թագավորի դեմ: Հայտնի է նաև Պետրոս Գետադարձի օրինակը:
Դրա համար պետք է մեր եկեղեցու դավանանքը զատել նման պատահական թյուրիմացություններից: Դա սովետական ժառանգություն է: Ես ենթադրում եմ, որ երբ 1936-ին կաթողիկոս Խորեն Մուրադբեկյանին խեղդեցին, դա ԿԳԲ-ն արեց: Դրանից հետո կաթողիկոսի աթոռը զբաղեցրել են չեկիստները»:
Լևոն Շիրինյանը նաև հավելեց, որ 2020-ին Կրեմլին հաջողվեց ջախջախել հայկական բանակը Արցախում, երկրորդը Հայաստանում իշխանությունը տապալելն էր, որը չկարողացավ. «Ու հիմա 5-րդ շարասյունն իր պարագլուխներով արդեն երեք տարի երկիրը ապակայունացնում են: Դա ԿԳԲ-ի գործելաոճն է, բարեկան երկրին չթողնել հանգիստ ապրի»: