Հանուն Հանրապետության կուսակցության նախագահ Արման Բաբաջանյանը ֆեյսբուքյան իր էջում գրել է.
Հայաստանի Սահմանադրությունն ապահովում է խոսքի և հավաքների ազատություն, որը առավելապես չարաշահվում է օտարերկրյա գործակալների և տեղական արտադրության դավաճանական կոլաբորացիոնիստների կողմից
Հայաստանի ինքնիշխանության և ազգային անվտանգության դեմ։
Ժամ առաջ պետք է հստակ տարանջատել Հայաստանի տարածքում Սահմանադրության սկզբունքների գործունեությունը և ՀՀ քաղաքացիների կողմից այդ սկզբունքների ներքո լիարժեք պաշտպանությունը։
Մեր քաղաքացիները պետք է իրավունք ունենան՝ օգտվելու իրենց ազատությունից և դրանում է Հայաստանի պետության ամրության կարևոր բաղադրիչը, մյուս կողմից, սակայն, Հայաստանը պետք է կարողանա իրեն ապահովագրել օտար պետությունների միջամտությունից, ներքին գործակալական ցանցային ներթափանցումից Հայաստանի այնպիսի կենսական կարևորության խնդիրներում և ոլորտներում ինչպիսիք են՝ հանրության կողմից Հայաստանի անկախության, ինքնիշխանության նկատմամբ վստահության խարխլումը․
Այս ամենը պետք է իրականացնել վիրաբուժական նրբությամբ և հմտությամբ, եթե այդ քայլերն ուշացվեն, ապա կլինեն գործընթացներ, որոնց նկատմամբ վերահսկողության իրականացումը կդառնա չափից ավելի դժվար։
