Ռուսական «Труд» օրաթերթի ունեցած տեղեկություններով, Ռուսաստանի Դաշնության նախագահ Դմիտրի Մեդվեդևն այսօր պատրաստվում է հայտարարել կուսակցություն ստեղծելու մասին: Նույն աղբյուրի պնդմամբ, այս տարվա գարնանից ռուսական մի շարք ռեգիոններում աշխատանքներ են տարվում՝ նոր կուսակցության համար անդամներ հավաքելու համար տեղական քաղաքական և տնտեսական էլիտայից:
Այսօրինակ գործունեություն վարվել է Արխանգելսկի, Մուրմանսկի, Սվերդլովսկի շրջաններում և Նենեցական Ինքնավար Մարզում: Առաջարկներ են ուղղվել նաև «Յեդինայա Ռոսիա» և «Սպրավեդլիվայա Ռոսիա» կուսակցությունների անդամներին: Նպատակն է՝մասնակցել 2011 թ. Պետդումայի և 2012 թ. նախագահական ընտրություններին:
Ըստ թերթի՝ հնարավոր է, որ հենց այսօր Դաշնային խորհրդին ուղղված իր ելույթում Մեդվեդևը հայտարարի այդ մասին: