Տնտեսագետ Արմեն Քթոյանը «Առաջին լրատվական»-ի հետ զրույցում անդրադարձել է 2023թվականի բյուջեին։ Քթոյանի խոսքով՝ անորոշության դաշտը բավականին պահպանվում է՝ պայմանավորված ռուս-ուկրաինական պատերազմով և այլ գործոններով։
«Ըստ էության՝ կառավարության ակնկալիքն այն է, որ այն նպաստավոր գործոնները, որոնք 2022-ին աշխատել են և ամենայն հավանականությամբ երկնիշ տնտեսական աճ են ապահովելու, դրանք զգալի ազդեցություն կունենան նաև հաջորդ տարվա ընթացքում, ինչը հնարավորություն կտա նաև այլ գործոններով պայմանավորված ապահովել 7 տոկոս տնտեսական աճ»,-ասել է Քթոյանը։ Նա նաև նշել է, որ2022-ի համար բյուջեի նախագծում ՀՆԱ-ն 8,2 տրիլիոն դրամ, իսկ 2021-ին եղել է 7 տրիլիոն, այսինքն՝ 1,2 տրիլիոնով ընդլայնվել է մեր տնտեսությունը։