2024 թվականի Եվրոպայի առաջնության ընտրական փուլին նախապատրաստվող Հայաստանի ազգային հավաքականը նոյեմբերին երկու ընկերական հանդիպում կանցկացնի։ Armsport․am-ի տեղեկություններով Հայաստանի ֆուտբոլի ֆեդերացիան նախնական համաձայնություն է ձեռք բերել Կոսովոյի և Ալբանիայի ֆուտբոլի ֆեդերացիաների հետ՝ այդ երկրների հավաքականների հետ ստուգողական խաղեր անցկացնելու վերաբերյալ։Ըստ նախնական համաձայնության, նոյեմբերի 16-ին Հայաստանի հավաքականը կմրցի Կոսովոյի, իսկ նոյեմբերի 19-ին՝ Ալբանիայի ընտրանու հետ։ Ու՞մ գլխավորությամբ մեր գլխավոր թիմը խաղադաշտ դուրս կգա առաջիկա հանդիպումներում։ Հիշեցնենք, որ Ազգերի լիգայում անհաջող ելույթից հետո, սեպեմբերին ՀՖՖ-ն ժամանակից շուտ խզել էր պայմանագիրը իսպանացի մասնագետ Խոակին Կապառոսի հետ։ Վերջինիս հետ պայմանագիրը նախատեսված էր մինև այս տարվա նոյեմբերը։ Կապառոսի հեռանալուց հետո հայկական ֆուտբոլային ընտանիքում շրջանառվում է գլխավոր մարզչի մի քանի թեկնածուի անուն։ Հավանական թեկնածուների շարքում էր երկար տարիների Ֆրանսիայում աշխատած, Հայաստանի ազգային հավաքականի նախկին պաշտպան Միշել Տեր-Զաքարյանը։
Վերջինս հոկտեմբերի 11-ին հեռացել էր ֆրանսիական «Բրեստի» գլխավոր մարզչի պաշտոնից։ «Բրեստն» այժմ զբաղեցնում է է Լիգա 1-ի մրցաշարային աղյուսակի վերջին տեղը։Տեր-Զաքարյանի գլխավորությամբ «Բրեստը» Ֆրանսիայի առաջնությունում զբաղեցրեց 11-րդ տեղը։ Հայ մասնագետի գլխավորությամբ «Բրեստը» վերջին հանդիպումն անց կացրեց հոկտեմբերի 9-ին սեփական հարկի տակ 1։2 հաշվով զիջելով «Լորյենին»։ Ի դեպ, այդ հանդիպմանը Միշել Տեր-Զաքարյանը հետխաղյա մամուլի ասուլիսին ներկայացել էր հայկական եռագույնով կրծքանշանով։ Նշենք, որ «Լորյենի» դեմ խաղից առաջ արդեն իսկ պարզ էր, որ Տեր-Զաքարյանը հեռանալու է։ Ինչո՞ւ էր հրաժեշտի խաղին և դրան հաջորդած մամուլի ասուլիսին Տեր-Զաքարյանը ներկայացնել հայկական եռագույով զինանշանով։ Արդյո՞ք դա Հայաստանի ազգային հավաքականը գլխավորելու ակնարկ էր։ Տեր-Զաքարյանը մարզչական կարիերան 1998-ին սկսել է ֆրանսիական «Մոնպելիեում»՝ 8 տարի աշխատելով երկրորդ, երրորդ թիմերում, 2017-ին գլխավորել էր առաջին թիմը: Մարզչական կարիերայի ընթացքում նա գլխավորել է նաև ֆրանսիական «Նանտը», «Կլերմոնը» և «Ռեյմսը»: Մինչ այդ Տեր-Զաքարյանը, որպես պաշտպան տպավորիչ ելույթով աչքի է ընկել ֆրանսիական մի շարք թիմերում։ Տեր-Զաքարյանը կրել է նաև Հայաստանի ազգային հավաքականի մարզաշապիկը, մեր գլխավոր թիմում 1996-1997 թթ․ անց կացնելով 5 հանդիպում։ Միշել Տեր-Զաքարյանը ծնվել է Երևանում, իսկ կարիերան սկսել է Մարսելի «Vivaux Marronniers Sports» ակումբում։ 1974 թվականին նա միացել է Մարսելի «Մազարգ» ակումբին, որի կազմում նվաճել է միջերկրածովյան խաղերի երիտասարդական լիգայի գավաթը։ «Առաջին լրատվական»-ի տեղեկություններով Տեր-Զաքարյանն այս պահին Հայաստանի հավաքականի գլխավոր մարզչի հիմնական թեկնածուն չէ։ Իսկ ում հետ է բանակցում ՀՖՖ-ն և ով է այս պահին գլխավոր մարզչի հիմնական թեկնածուն։
«Այս պահին Հայաստանի հավաքականը գլխավորելու միայն մեկ թեկնածու կա: Իսպանիայի իմ շատ վստահելի աղբյուրից տեղեկացա, որ ՀՖՖ-ն առաջարկ է կատարել Մարսելինո Գարսիա Տորալին։ Իսպանացի մասնագետը ֆեդերացիայի թիվ մեկ ընտրությունն է եւ այս պահին նրանք այլ տարբերակ չեն դիտարկում։ Մյուս թեկնածուները կդիտարկվեն միայն Մարսելինոյի հետ պայմանավորվածության չգալու դեպքում»,- այս մասին ֆեյսբուքյան իր էջում գրել է մարզական լրագրող Հայկ Հովհաննիսյանը։ Նշենք, որ Տորալը այս տարվա մայիսին հեռացել էր Բիլբաոյի «Ատլետիկի» գլխավոր մարզչի պաշտոնից և հիմա աշխատանք չունի։ 57-ամյա մասնագետը գլխավորել է նաև իսպանական «Լեալտադը», «Սպորտինգը», «Ռեկրոատիվոն», «Ռասինգը», «Սարագոսան», «Սևիլյան», «Վելյառեալն» ինչպես նաև «Վալենսիան»։
Վերջինս Մարսելիյոյի գլխավորությամբ 2019 թվականին դարձել է Իսպանիայի գավաթակիր։ Մարսելնիյոյի հետ «Ատլետիկը» անցյալ տարի նվաճել է Իսպանիայի սուպերգավաթը։ Այս Մարսելինյոն հարուստ մարզչական կենսագրություն ունի և հանդիսանում է իսպանացի լավագույն մասնագետներից մեկը։ Կկնքի՞ արդյոք ՀՖՖ-ն պայմանագիր այս մարզչի հետ և որքանով է համապատասխանում նրա պրոֆեսիոնալ որակները Հայաստանի հավաքականին։ Այս հարցերի պատասխանը կփորձենք գտնել ավելի ուշ։
