Իրանի իսլամական հեղափոխության պահապանների կորպուսի (ԻՀՊԿ) ցամաքային զորքերի հրամանատար, բրիգադի գեներալ Մոհամմադ Փաքփուրը հայտարարել է երկրի հյուսիսում խոշոր զորավարժություններ անցկացնելու մասին։ Այդ մասին հաղորդել է «Mehr» գործակալությունը:
«Առաջիկա օրերին երկրի հյուսիսային սահմաններում՝ Արաս շրջանում (Արևելյան Ադրբեջան նահանգ), ԻՀՊԿ «Աշուրա» տարածաշրջանային հրամանատարության բազայի վրա տեղի կունենան ԻՀՊԿ ցամաքային զորքերի լայնածավալ վարժանքներ՝ «Էխտեդար» («ուժ») անվանումով»,-հայտնել Է իրանցի զորահրամանատարը:
«Խոշոր վարժանքների անցկացումը համապատասխանում է ԻՀՊԿ ցամաքային զորքերի մարտունակության բարձրացման նպատակով տարեկան պլանի առաջադրանքների կատարմանը», նշել է գեներալ Փաքփուրը: