Պրահայի հանդիպումից հետո Իլհամ Ալիևը Թուրքիայի և Ռուսաստանի հետ պետք է որ երջանիկ լինեն, քանի որ նրանք հայկական կողմից լսել են խոսքեր, որոնք ուզում էին լսել. այն է՝ Հայաստանը ճանաչում է Ադրբեջանի տարածքային ամբողջականությունը՝ առանց ստորակետ դնելու, որ կա արցախահայության, վերջիններիս կարգավիճակի խնդիր: Այս մասին «Առաջին լրատվական»-ի հետ զրույցում ասաց Ռազմական և ազգային անվտանգության հարցերով փորձագետ Հրաչյա Արզումանյանը:
«Հետխորհրդային Հայաստանի իշխանությունները՝ սկսած Լևոն Տեր-Պետրոսյանից, այդպես էլ չհամարձակվեցին արտահայտել այդ խոսքերը»,-հավելեց նա:
Նրա խոսքով՝ Նիկոլ Փաշինյանը վերջակետ է դնում պրոցեսի մեջ, ինչը Արզումանյանի կարծիքով մեծ սխալ է: «Այս ստորագրությունից հետո մենք որպես ժողովուրդ պետք է մտածենք և համաձայնենք, որ Արցախի հայությունը, խորհրդարանը պետք է որոշի իր անելիքը, այսօրվանից Նիկոլ Փաշինյանը իրավունք չունի խոսել Ացախի հայության անունից»:
Արզումանյանը նաև նշեց, որ նման խորքային հարցը իրավունք չունենք ընդունելու առանց հասարական, քաղաքական լայնածավալ քննարկումների:
Առավել մանրամասն՝ տեսանյութում:
