Եթե Ֆրանսիան շարունակի մնալ այս ձևաչափում՝ օգտակար կլինի Հայաստանի համար

«Չեխիայից՝ որպես ԵՄ նախագահող երկիր, պահանջում ենք, որ դադարի լռել ու դատապարտի ադրբեջանական ագրեսիան»,-«Առաջին լրատվական»-ի հետ զրույցում այս մասին ասաց Չեխիայում լույս տեսնող «Օրեր Եվրոպական ամսագրի գլխավոր խմբագիր Հակոբ Ասատրյանը՝ խոսելով երեկ Պրահայում, ԱԳՆ շենքի դիմաց անցկացված բողոքի ցույցի մասին։ Նա նշեց, որ ԱԳՆ-ն այն վայրն է, որի մոտով անցնում էին Չեխիա ժամանած 44 երկրների պատվիրակությունները, ուստի այդկերպ փորձել են իրենց ձայնը լսելի դարձնել։ Խոսելով Պրահայում տեղի ունեցած հանդիպումների մասին, մեր զրուցակիցը նկատեց, որ եթե Ֆրանսիան շարունակի իր գործունեությունն այս ձևաչափում, դա միանշանակ օգտակար կլինի Հայաստանի համար։ «Ֆրանսիական միջամտությունից հետո հնարավոր եղավ կոնկրետ քայլեր անել, եվրոպական միջնորդությունը բավարար չէր»,-նկատեց նա։