Քաղաքագետ Նարեկ Մինասյանը ֆեյսբուքյան իր էջում գրել է. Քառակողմ հայտարարության մասին մի քանի դիտարկում.
✔️Ձեռք բերված պայմանավորվածությունները նախևառաջ Հայաստանի և Ադրբեջանի միջև սահմանների սահմանազատման գործընթացի շրջանակում են: Կողմերն արձանագրել են այն հիմնարար սկզբունքները, որոնցով առաջնորդվելու են՝ հղում կատարելով ՄԱԿ-ի կանոնադրությանը և Ալմա-Աթայի հռչակագրին:
✔️Այս արձանագրումը փաստացի օրակարգից դուրս է մղում 19-20-րդ դարերի (նախախորհրդային շրջանի) քարտեզներով սահմանազատում կատարելու Ալիևի պահանջը, որի խորքային նպատակը գործընթացի շրջանակում Զանգեզուրի պատկանելիության վիճարկումն էր։
✔️Սահմանազատման հարցերով հանձնաժողովների աշխատանքի հիմքում պետք է ընկնեն պայմանավորված սկզբունքները. մինչև հոկտեմբերի վերջ Բրյուսելում կկայանա նրանց հաջորդ նիստը:
✔️ ԵՄ-ը քաղաքացիական առաքելություն կուղարկի, որը դիտարկումներ կիրականացնի Ադրբեջանի հետ սահմանի երկայնքով: Սա կարևոր պայմանավորվածություն է՝ հնարավոր էսկալացիաների կանխման տեսանկյունից: Ադրբեջանական կողմը դեմ է եղել, սակայն դա չի խոչընդոտել որոշման կայացմանը և այն կգործի միայն Հայաստանի տարածքում։
✔️ Առաքելությունն իր աշխատանքները կսկսի հոկտեմբերին, առավելագույնը երկու ամիս ժամկետով: Կարելի է ենթադրել, որ սահմանազատման գործընթացի շուրջ բանակցություններում ևս ակնկալվում է վերջնական համաձայնության հասնել այնդ նույն ժամկետում, ինչին կհաջորդի արդեն խաղաղության պայմանագրի վերջնականացումը:
