Գլոբալ ինովացիոն ֆորումի բացմանը FAST-ի համահիմնադիր, Flagship Pioneering-ի հիմնադիր և գործադիր տնօրեն Նուբար Աֆեյանը նշել է, որ այն ժամանակ, երբ վտանգված է ընդհանրապես հայկական պետությունը, մի փոքր դժվար է խոսել մեքենայացված ուսուցման, կենսաբանության կամ այլ գիտական տեխնոլոգիաների մասին։ Նա ասել է, որ մարտահրավերները ստիպում են մեզ կենտրոնանալ, լարել ուժերը:
«Մեր երիտասարդ պետության մարտահրավերները բազմաթիվ են։ Մենք ունենք ոչ համարժեք ռեսուրսներ, թերզարգացած տնտեսություն, ինստիտուցիոնալ կարողությունների բացակայություն, բարդ աշխարհագրական դիրք, բազմաթիվ քաղաքական կոնֆլիկտներ: Մենք ունենք հսկայական տարածաշրջանային անապահովություն: Մենք ունենք մտահոգություն, և այդ մտահոգությունը կարող է դառնալ կառուցողական ուժ», – ասել է Աֆեյանն իր ելույթում: