ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը ԱԺ հայտարարությունների ժամին նշեց, որ այս ամիս լրացել է 44-օրյա պատերազմի 2 տարին, սակայն դրանից հետո մենք ապրել են կարճատև, դաժան կռիվներ, որոնց համար թանկ ենք վճարել։ Ըստ Քոչարյանի՝ քանի որ մենք ճանաչում ենք մեր դիմացը կանգնածին, անհրաժեշտ է ոտքի կանգնել, նոր թափով շարժվել առաջ․ «Փառքով ընկածներն ու ողջ մնացածները մեզ հայրենասիրություն ու իրական արժեքներ սովորեցրեցին, ամուր հող ստեղծեին մեր հայրենիքի հեռանկարային ապագան կերտելու համար։ Եռաբլուրում թաղվածները ոչ մեկի սեփականությունը չեն, բոլորինն են։ Այնտեղ մեր զավակներն են, մեր բանակի ու պետականության զինվորները»,-հայտարարեց նա։