Ինչպես հայտնել է Trend գործակալությունը, ադրբեջանական «Մուսավաթ» կուսակցության խորհրդի նախագահ Սուլհեդին Աքբարը հրաժարական է տվել: Նրա պարզաբանմամբ, իր հրաժարականը կապված է կուսակցության ռազմավարական կուրսի անհամաձայնության հետ, եւ ինքն իր այդ որոշման մասին տեղեկացրել է երկուշաբթի կուսակցության խորհրդի նիստի ժամանակ: Իսկ խորհրդի ներկայացուցիչ Իբրահիմ Իբրահիմլին նշել է, որ կուսակցության ղեկավարությունն Աքբարին անվստահություն է հայտնել, այդ իսկ պատճառով նա հրաժարական է տվել, այս մասին «Մուսավաթը» նաեւ մամլո հաղորդագրություն է տարածել:
Trend-ը հիշեցնում է, որ «Մուսավաթը» ստեղծվել է Բաքվում՝ 1911թ. հոկտեմբերին: 1918թ. մայիսի 28-ին Թբիլիսիում «Մուսավաթ» կուսակցությունը մի քանի այլ կուսակցությունների հետ համատեղ հայտարարել է Ադրբեջանի անկախության մասին: 1920թ. Կարմիր բանակի կողմից Ադրբեջանի գրավումից հետո «Մուսավաթը» անցել է ընդհատակյա գործունեության: Իսկ 1992թ. նոյեմբերին տեղի է ունեցած կուսակցության երրորդ համագումարում կուսակցության ղեկավար ընտրվեց Իսա Ղամբարը: