«Դուրս ՀԱՊԿ»-ից քննարկման շրջանակներում «Հանուն Հանրապետության» կուսակցության անդամ Առնոլդ Բլեյանը նշեց, որ իրենք հավաքվել են քննարկելու ՀԱՊԿ-ից դուրս գալու հնարավորություններն ու ռիսկերը, իսկ գուցե կան ենթադրյալ հնարավորություններ ՀԱՊԿ-ում մնալու, որոնց մասին մենք չգիտենք. «Իսկ այդ ենթադրյալ հնրավորությունների տեսակարար կշիռը մենք գիտե՞նք, թե որքան է:Մյուս կողմից ՀԱՊԿ-ից դուրս գալու ռիսկերը կան նաև ՀԱՊԿ-ում մնալու ռիսկերի մեջ: Ի վերջո, որտեղ է երաշխիքը, որ եթե դուրս չես գալիս ՀԱՊԿ-ից, այն ռիսկերը, որոնք մենք կարող ենք առերեսվել ՀԱՊԿ-ից դուրս գալու պարագայում, այդ ռիսկերին չենք առերեսվի ՀԱՊԿ-ում մնալու դեպքում: Ի վերջո, այս վերջին 2 օրվա ընթացքում, երբ իրապես փոխվեց իրականությունն Ուկրաինայում, ՀԱՊԿ-ում նախագահելը կոնկրետ սպառնալիք է, որովհետև եթե եղավ պահանջ, ենթադրենք Ղազախստան-2, և մենք մերժենք այդ ծրագիրը, դա արդեն կոնկրետ մարտահրավեր է այն երկրին, որը ստեղծել ու սնուցել է այդ ՀԱՊԿ կառույցը: Հետևաբար, ավելի լավ է հենց սկզբից մեզ ապահովագրենք հնարավոր այդ սպառնալիքներից»,-ասաց նա:
Իր հերթին «Հանուն Հանրապետության» փոխնախագահ Ռուբեն Մեհրաբյանն ասաց. «Այս դեզինֆորմացիան և ինֆորմացիոն ահաբեկումը, որը տեղի է ունենում մեր հեռուստաէկրաններից, պետք է դադարեցվի դիրեկտիվ կերպով:
