Համացանցում հայտնվել է մի տեսանյութ, որում երևում է, թե ինչպես են ադրբեջանցիները գնդակահարում հայ ռազմագերիներին: ԵՄ հատուկ ներկայացուցիչ Տոյվո Կլաարը տեսանյութը որակել է «սարսափելի»։ Կլաարը թվիթերում գրառում է կատարել. «Ըստ ամենայնի, հայ ռազմագերիներին մահապատժի են ենթարկում: Եթե ապացուցվի այս տեսանյութի իսկությունը, ապա սա ռազմական հանցագործություն է, որը պետք է հետաքննվի և մեղավորները պատժվեն»:
Կովկասյան հարցերով վերլուծաբան Նեիլ Հաուերն էլ տարածված տեսանյութի առթիվ գրել է. «Նոր տեսանյութ է հայտնվել, թե ինչպես են ադրբեջանցի զինվորները մահապատժի ենթարկում հայ գերիներին։ Հայ ռազմագերիները լիովին առողջ են և գնդակահարվում են մի քանի տասնյակ ադրբեջանցի զինվորների աչքի առաջ։ Սա հավանաբար սեպտեմբերի 13-14-ին Ադրբեջանի կողմից Հայաստանի վրա իրականացված հարձակումից է»:
Another horrible video has emerged of Armenian prisoners of war apparently being executed. If this video is proven to be authentic then this is a war crime that needs to be investigated and the perpetrators punished.
— Toivo Klaar (@ToivoKlaar) October 2, 2022