Իրավիճակը լրիվ նորմալ է, ոչ մի խուճապ չկա, ամեն մեկն իր գործին, իր տան դռանը: Այս մասին «Առաջին լրատվական»-ի հետ զրույցում նշեց Սյունիքի մարզի Խոզնավար գյուղի բնակիչներից մեկը:
«Ադրբեջանի հարձակման ժամանակ կանանց, երեխաներին գյուղից հանել ենք, տղամարդկանցով մնացել ենք գյուղում: Հսկել ենք գյուղը, մինչև հիմա էլ մեր երիտասարդները հսկում են: Ամեն ինչ նորմալ է, ադրբեջանցին էստեղ չի մտնի, չենք թողնի՝ մտնի: Եթե մտնի էլ, խուճապ չի լինելու, շպրտվելու են էստեղից»,-ասաց խոզնավարցի տղամարդը՝ հավելելով, որ ինքն այգի է մշակում, անասուն է պահում:
«Ես էստեղ եմ ծնվել մեծացել, այստեղ էլ կմահանամ ու կթաղվեմ, ոչ մի տեղ չեմ գնա: Մենք, մեր գյուղը: Ես լավատես եմ, լավ ա լինելու: Վարչապետի ցավը տանեմ, որ ասել է՝ միջանցք չի լինելու, ուրեմն չի լինելու, չենք տալու ու վերջ: Իշխանասարում կես կմ առաջ են եկել, հետ կգնան, մի թիզ հող անգամ չենք տա»,-ասաց մա: