Ադրբեջանի վերջին հարձակման ժամանակ գյուղից դուրս չենք եկել, մենք տղամարդիկ ենք եղել, ասել ենք՝ ինչ լինում է՝ լինի, տեղ չենք գնալու: «Առաջին լրատվական»-ի հետ զրույցում պատմում են Սյունիքի Խոզնավար գյուղի տարեց կանայք, որոնք ապրում են միայնակ, հարևաններ են:
«Ախով, վախով ապրում ենք, մի փոքր դրնգոց է լինում, վախում ենք»,-ասաց տատիկներից մեկը:
Նրանք նշում են, որ սեպտեմբերի 13-ի գիշերը ոչինչ էլ չեն արել. «Իի՞նչ պետք է անենք, տանը նստած ենք եղել: Էստեղ մենակ ենք ապրում: Իմ երեխաները Երևան են, իրենը՝ Քաջարան: Մենք ոչ հող ենք վարում, ոչ անասուն ենք պահում, թոշակով ապրում ենք: Ամուսնուս կորցրել եմ, երեիտասարդ տղայիս կորցրել եմ»,-ասաց կանանցից մեկը:
