ՀՀ առողջապահության նախարարությունը կարևորում է նոր տեխնոլոգիաների դերը առողջապահական ոլորտում: Այս մասին «Ձևավորում ենք առողջապահության ապագան Philips-ի հետ» Philips Day (Philips-ի օր) միջոցառման շրջանակներում ասաց առողջապահության նախարարի տեղակալ Արտակ Ջումայանը:
Միջոցառման նպատակն է ցույց տալ Philips կազմակերպության տեխնոլոգիական հնարավորությունները և քննարկել Հայաստանի առողջապահական ոլորտում նորագույն տեխնոլոգիաների ներդրման հարցը:
«Ցանկացած ոլորտում զարգանալու համար տեխնոլոգիաները թելադրող ուժ են: Հաշվի առնելով այս հանգամանքը՝ կարևորում եմ նմանատիպ միջոցառումները, որոնք կարող են նպաստել ոլորտի զարգացմանը: Մասնակցելով միջոցառմանը՝ ցանկանում եմ հասկանալ, թե ինչ նոր տեխնոլոգիաներ կան, որոնք կիրառելով, կարող ենք ունենալ ավելի բարձր որակ առողջապահության ոլորտում»,- ասաց փոխնախարարը:
Նրա խոսքով՝ միջոցառմանը ներկա են նաև Հայաստանում առաջատար բժշկական հաստատությունների սեփականատերեր և ղեկավարներ, բժիշկներ, ովքեր կկարողանան գնահատել ներկայացվող տեխնոլոգիաների անհրաժեշտությունը: