Այո’, բոլորովին նորություն չէ, որ մենք ունենք առնվազն երկու հարյուր միլիոն դոլարի զենքի գնում եւ զենքը չի մատակարարվում, չնայած հիմա պատճառաբանում են, թե Ուկրաինայում պատերազմ է եւ զենքի սղություն կա, սակայն պետք է փաստել, որ արդեն գնված զենքը չէր տրվում դեռ 2021-ից ի վեր …
Սակայն այսօրվա հայտարարության մեջ մեկ այլ դրույթ շատ ավելի կարեւոր է, կրկին այն ինչի մասին 44-օրյա պատերազմից հետո անընդհատ խոսում ենք ու զգուշացնում, որ Ադրբեջանի հարձակումներից, սողացող այս պատերազմից ու ռազմական հյուծումից ռուսական կողմը (չնայած պարտավորություններին) ոչ միայն չի պաշտպանելու, այլ հենց հրահրելու է, քանի որ իր հեռահար նպատակը Հայաստանի ինքնիշխանության վերացումն է, պուտինյան միութենական պետության մաս դարձնելը, իսկ դա հնարավոր է վերջնական ներսից ու դրսից հյուծված վիճակում լինելու դեպքում։
Ընդորում այս հյուծման գործընթացն իրականացվում է, ոչ միայն ռազմական, այլ նաեւ հիբրիդային պատերազմի դասական դրսեւորումներով` հանրության հուսահատություն, պայքարի անհնարինության մասին մշտական կոչեր, քաոտիկ վիճակի տպավորություն (ռումբերի ահազանգեր եւ այլն), այլընտրանքների բացակայության մանիպուլյացիաներ` եթե չլինի Ռուսաստանը կդառնանք թուրքական վիլայեթ եւ այլն։ Սրանք պարզապես անզգույշ կամ անգրագետ խոսքեր չեն, սրանք լրջորեն մտածված խոսույթներ ու գործիքներ են, որոնք ձեւավորում են հանրային գիտակցությունն ու խորքային վախերի վրա հիմնված մտայնությունները` սրանից բխող հետագա գործողություններով ու հետեւանքներով։
Բոլորովին պատահական չէ վերջին ամիսներին եւ օրերին 5-րդ շարասյան ակտիվացումը, ԶԳՈՆ լինենք ու վերջապես հասկանանք, որ Հայաստանի գոյության համար թեժ պայքարում ենք ու հետքայլի տեղ այլեւս չունենք։
