Ադրբեջանը դիմում էսադրանքների, որովհետև դիմացը թուլացած պետություն է, որովհետև շատ վստահ են ռուս-թուրքական գործարքի ամրության հարցում: Այս մասին «Առաջին լրատվական»-ի հետ զրույցում նշեց Քրիստոնեա-ժողովրդավարական կուսակցության փոխնախագահ Հայկ Սուքիասյանը:
«Նաև նրանց խնդիրն է փչացնել կամ հեղինակազրկել այն գործընթացը, որը ՀՀ-ն նախաձեռնել է արտաքին աշխարհի՝ ԱՄՆ-ի, Ֆրանսիայի հետ, որոնելու անվտանգության այլ հենարաններ, գնելու ժամանակակից զենքի, զինամթերքի նոր տեխնոլոգիաներ: Հիմա իրենց նպատակն է հեղինակազրկել այդ գործընթացը, ցույց տալ աշխարհին, որ դա մեծ հաշվով Հայաստանին չի փրկելու ռուս-թուրքական ակցանից: Նաև նկատի ունենանք, որ երեկ նորից Լավրովի զանգն է եղել, հրահրել են նորից այս ոճրագործին՝ կատարել իրենց դարավոր երազը»,-ասաց նա:
