Հնդկաստանի զինված ուժերը Չինաստանի հետ սահմանին տեղակայել են ինքնագնաց հաուբիցներ, համազարկային կրակի ռեակտիվ համակարգեր և այլ հրետանային համալիրներ։ Արևելյան Լադակխում շարունակվող ռազմական լարվածության ֆոնին պլանավորվում են նաև ժամանակակից սպառազինությունների նոր գնումներ՝ բարելավված մարտական հատկանիշներով: Այս մասին հայտնում է The Pioneer թերթը՝ վկայակոչելով Հնդկաստանի ՊՆ աղբյուրները։
2020 թվականի մայիսին Հնդկաստանի և ՉԺՀ-ի սահմանի Լադակխ լեռնային շրջանում դիմակայություն էր ծագել, որի հետևանքով բախումներ էին տեղի ունեցել, և երկու կողմերից զոհեր էին եղել: Հնդկաստանն ու Չինաստանը ծանր հրետանի, տանկեր և ավիացիա են մտցրել այդ շրջան։ Անցյալ տարվա փետրվարին ռազմական և դիվանագիտական մակարդակներով մի շարք բանակցություններից հետո Պեկինն ու Նյու Դելին սկսեցին և մինչև հիմա շարունակում են զորքերի ետքաշումը սահմանագծից:
