Այն կարծրացած մոտեցումները, որոնք եղել են և դրանց շուրջ են ձևավորվել քաղաքականությունը, հիմա կարծես, փոխվում են. Եթե մեր արտաքին քաղաքականության հատվածը 2018-ից աշխատեր այնպես, ինչպես հիմա է աշխատում, գուցե հնարավոր լիներ խուսափել պատերազմից կամ մեղմեր դրա հետևանքները հիմա: Այս մասին «Առաջին լրատվկան»-ի հետ զրույցում նշեց հանրային գործիչ Սուրեն Սահակյանը:
Հարցին, թե ովքեր են թերացել, նա արձագանքեց. «Ես կարող եմ անուններ ասել, վարչակազմեր նշել, բայց խոշոր հաշվով, քաղաքական միտքն է կաղել: Եթե այդպես նայենք, ապա բոլորս էլ մեղավոր ենք, և որոշ սխալներ հիմա էլ անում ենք, որովհետև եթե հանրային պահանջ չկա ինչ-որ փոփոխությունների, քաղաքական փոփոխությունների, այդ փոփոխությունները տեղի չեն ունենում կամ դժվար են տեղի ունենում: Հանրությունը չի կարող սպասել, թե երբ է հայտնվելու այն միակը, որը անի այնպես,ո ր մենք ապահով լինենք, ինքը պետք է առաջարկի ու պարտադրի»,-ասաց նա:
