«Ռուսաստանում մասնակի մոբիլիզացիա տեղի չի ունենում, երկրում ուղղակի հայտարարվել է մոբիլիզացիա, նախագահի հրամանագրում նշված չէ թվաքանակ, կատեգորիա, ժամկետ… իրավիճակն այնպիսին է, որ այժմ կարող են զորակոչել ցանկացածին, խոսքը տասնյակ միլիոնավոր մադրկանց մասին է»,-այս մասին «Առաջին Լրատվական»-ի հետ զրույցում ասաց իրավապաշտպան Սերգեյ Կրիվենկոն:
Մեր զրուցակիցը նաև ընգծեց, որ Ռուսաստանն այսօր իր դեմ է տրամադրել աշխարհի գրեթե բոլոր երկրներին, ուստի հավանականությունը մեծ է, որ վերջին հաշվով ՌԴ-ն մենակ կմնա: «Այժմ շատ բարդ է կանխատեսել՝ ինչպես կզարգանան իրադարձությունները»: Հարցին թե Մոսկվան ինչ ճնշումներ կարող է կիառել Երևանի դեմ, եթե վերջինս որոշի դուրս գալ ՀԱՊԿ-ից, Կրիվենկոն ասաց. «Բարդ է կանխատեսել Ռուսաստանի ղեկավարության վարքը, ոչ մեկ չէր սպասում, որ Ուկրաինայի դեմ ագրեսիա կիրականացվի… բայց այս իրավիճակում ամեն ինչ սպասելի է, պետք է տեսականորեն պատրաստ լինել տարբեր սցենարների»: