Էներգետիկայի միջազգային գործակալության (ԷՄԳ) ղեկավար Ֆաթիհ Բիրոլը Եվրոպայի երկրներին նախազգուշացրել Է այս ձմռանն Էներգետիկական անվտանգության համար պայքարից, որը, նրա կարծիքով, կարող է վերացնել Եվրամիության միասնությունը եւ հրահրել սոցիալական հուզումներ: Այդ մասին հայտնել Է բրիտանական Financial Times (FT) թերթը:
Ինչպես պնդում Է թերթը, ԷՄԳ-ի ղեկավարը վախենում Է, որ կարող Է տեղի ունենալ «Վայրի Արեւմուտքի սցենարը», եթե Եվրոպայի երկրները սահմանափակեն իրենց առեւտուրը կամ դադարեն համագործակցել հարեւանների հետ վառելիքի պակասի առիթով աճող անհանգստության ֆոնին:
«Հետեւանքները շատ վատ կլինեն Էնեգետիկայի համար, շատ վատ՝ տնտեսության համար եւ արտակարգ վատ՝ քաղաքական ոլորտում»,- մեջբերում Է թերթը Բիրոլի խոսքը:
ԷՄԳ-ի ղեկավարը նաեւ համոզված Է, որ Եվրոպայում ճգնաժամը կտեւի մինչեւ 2023 թվականը: Նա դրա պատճառներ Է համարել հեղուկացված բնական գազի (ՀԲԳ) համաշխարհային մատակարարումների իրադրության վատթարացումը եւ ՀԲԳ-ի համար մրցակցության սաստկացումը Չինաստանի եւ մյուս ներմուծողների կողմից:
Ինչպես հայտնում Է թերթը, Ֆաթիհ Բիրոլը հայտարարել Է, որ Մոսկվան «տանուլ Է տվել Էներգետիկական ճակատամարտը» Եվրոպայի դեմ, քանի որ երկրները փնտրում են այլընտրական մատակարարների: «Ռուսաստանը կորցրեց լավ սպասարկյալի, ընդ որում՝ ընդմիշտ: Այդ սպասարկյալը փողը վճարում Էր ժամանակին եւ ոչ մի կարգի քաղաքական խնդիրներ չԷր ստեղծում»,- պնդում Է նա, հաղորդել Է ՏԱՍՍ-ը: