Ռազմաքաղաքական հարցերով փորձագետ Արմինե Մարգարյանը ֆեյսբուքյան իր էջում գրել է․
Վարչապետ Փաշինյանի ՄԱԿ ԳԱ-ի 77-րդ նստաշրջանի ելույթում հնչաց որոշ թույլ և ուժեղ ձևակերպումների մասին
➖➖➖➖➖➖➖➖➖➖➖➖
1. «Վերջին ագրեսիան տեղի է ունենամ այն պահին, երբ Լեռնային Ղարաբաղում 2020 թվականի պատերազմի հումանիտար հետևանքները դեռ չեն լուծվել»: 👇
Սա կորսված հնարավորությունների նախադասություն է: Այն առնվազն պետք է ձևակերպվեր հետևյալ կերպ՝ «Հայաստանի Հանրապետության սուվերեն տարածքի նկատմամբ վերջին ագրեսիան տեղի է ունենում այն պահին, երբ Լեռնային Ղարաբաղի դեմ Ադրբեջանի կողմից սանձազերծած պատերազմի հումանիտար հետևանքները մնում են դեռ չլուծված»:
2. «ԼՂ հայերը միջազգային հանրության աջակցության կարիքն ունեն: Մենք կոչ ենք անում աջակցել ՄԱԿ մարդասիրական գործակալությունների անվտանգ և անխոչընդոտ մուտքը Լեռնային Ղարաբաղ՝ մարդասիրական, մարդու իրավունքների իրավիճակւ տեղում գնահատելու և մշակութային ժառանգության պաշտպանությունն ապահովելու նպատակով: Մենք կարևորում ենք, որ ՄԱԿ փախստականների հարցերով գերագույն հնաձանակատարի գրասնեյակը և ՅՈՒՆԵՍԿՕ-ի անկախ փաստահավաք առաքելությունը պետք է մուտք ունենա Լեռնային Ղարաբաղի հակամարտության գոտի: Ադրբեջանը երկու առաքելություններն էլ արգելափակում է արհեստական քաղաքական նախապայմաններ դնելով»: 👇
Սա հաջողված պարբերություն է:
3. «Դատապարտելի է, որ Ադրբեջանը կասեցրել է հայ ռազմագերիների հայրենադարձության գործընթացը»: 👇
Սա հիմնահատակ սխալ ձևակերպում է: Պետք էր հարթակն օգնագործել և մի քանի նախադասությամբ ներկայացնել, որ այս հումանիտար հարցը քաղաքականացվում է Ադրբեջանի կողմից և Ադրբեջանի նման քաղաքականությունը տրամաբանորեն կապել պետական մակարդակով հայատյացության, արմենոֆոբիայի և այլնի հետ:
5. «Շատ կարևոր է փաստել, որ ադրբեջանական հարձակումների թիրախը ոչ միայն Հայաստանի անկախությունն է, տարածքային ամբողջականությունն ու ինքնիշխանությունը, այլ նաև՝ Հայաստանի ժողովրդավարությունը»: 👇
Սա ելույթի ամենաուժեղ մեսիջ էր:
6. «Միջազգային դիտորդական առաքելությունը Հայաստան-Ադրբեջան սահմանամերձ տարածքներում կարևոր գործիք կլինի տարածաշրջանային կայունության համար»: 👇
Այս նախադասության միտքը լավն է, բայց կարելի էր այն փոքր ինչ բացել՝ մեր ակնկալիքների վերաբերյալ առավել հստակություն մտցնելու համար:
7. «Ես հավատում եմ երկարաժամկետ կայունության, անվտանգության և խաղաղության հաստատման ներուժին»:👇
Պետք չէր ելույթն ավարտել այդքան լավատեսական տրամադրություններով: Այս իրավիճակում նույնիսկ ամենաթիրախային ձևակերպումներով լի ելույթը երբ ավարտվում է լավատեսական ձևակերոպումներով՝ թուլանում է:
