Ստեղծված իրավիճակում Արցախի նախագահի ուղերձը սպասված է, ուղերձի շեշտադրումներով պետք է շարժվենք մարտահրավերներին դիմագրավելու համար: «Առաջին լրատվական»-ի հետ զրույցում նշեց ԱՀ ֆինանսաբյուջետային եվ տնտեսական կառավարման հարցերի մշտական հանձնաժողովի նախագահ, «Ազատ հայրենիք» կուսակցության պատգամավոր Արթուր Հարությունյանը:
Հարությունյանի խոսքով` ԱՀ նախագահի ուղերձը անկեղծ էր և նկարագրում էր Արցախի ու Հայաստանի շուրջ ստեղծված իրավիճակը. «Արցախի նախագահի ուղերձը ներկա մարտահրավերներին դիմագրավելու ճանապարհային քարտեզ է: Չենք շեղվելու մեր ճանապարհից մինչև վերջնական կարգավորումը: Ներքին կյանքում մեր անելիքների մասով Արցախի նախագահը կարևոր շեշտադրումներ է արել: Առանց ժողովրդագրության աճի մենք չենք կարող լիարժեք պայքարել: Արցախի ժողովրդագրությունը անվտանգային կարևոր բաղադրիչ է: Պայքարելու դեպքում քաղաքակիրթ աշխարհը կկանգնի մեր կողքին»:
