«Ժողովրդավարական հարթակ» հիմնադրամի տնօրեն Գարեգին Միսկարյանի համար մեր անկախության հետ կապված գնահատականը շատ հակասական է․ «Մեր անկախությունը լիարժեք չի եղել: Սովետական միությունից անջատվելով մեզ դրել ենք ռուսական կայսրության իշխանության տակ: Հովանավոր ենք ընտրել մի կայսրության, որը երկու դար ՀՀ-ում վարել է իր քաղաքականությունը»:
Միսկարյանը կարծում է, որ այս 30 տարիներին կարող էինք հզոր պետություն կայացնել, բայց մենք շատ դանդաղ ենք առաջ շարժվում․ «Պետություն կառուցելու նպատակ դրված չի եղել, եղել է փորը կուշտ, տակը չոր հոգեբանություն: Կասկածում եմ, որ այսօր շատերը գիտակցում են ինքնիշխանության ու անկախության գաղափարը»:
