ՀՀ վարչապետի աշխատակազմի սփյուռքի գործերի գլխավոր հանձնակատար Զարեհ Սինանյանը կարծում է, որ մեր անկախությունը լիովին չի գիտակցվում ազգի կողմից․ «Միշտ մեր մեջ սպանել են պետություն ունենալու, անկախ լինելու զգացումը: Անկախությունը երկնային մանանայի նման ընկավ մեր ձեռքը: Սա պատմական իրականություն է, անկախությունը պարտադրվեց մեզ: Ամեն ինչ արվել է, որ անկախության գաղափարը նսեմացվի»:
Սինանյանի խոսքով՝ երկիրը թալանելը դարձել էր բարձրագույն արժեք․ «Շատ դաժան գնով պետք է վերահաստատենք մեր անկախությունը: Գին ենք վճարում, որը շատ ծանր է: Մենք առաջ ենք շարժվում գագաթնաժողովը անցկացնելու մտադրությամբ»: