Էլեն Հոխիկյանը ֆեյսբուքյան իր էջում գրել է.
Ռոսիա 24-ի գլխավոր պրոպագանդիստուհի տիկին Սկաբեևան, ով հայտնի է իր ագրեսիվությամբ և լրագրողական էթիկայի բացարձակ բացակայությամբ` հերթական անգամ ծուռ քմծիծաղով անդրադարձ է արել ՀՀ-ին` առանց մեկ բառ անգամ մեր երկրում տեղի ունեցողի մասին հնչեցնելու: Այ բայց «ռուսատյացության» մեջ մեզ մեղադրել իհարկե չի մոռացել` դա Պելոսիի այցով ու ՀՀ-ին ամերիկյան աջակցությամբ պայմանավորելով…
Մինչ շարունակելը ուղղակի հիշեցնեմ, որ սա այն նույն տիկինն է, ով ՌԴ-ում ակամայից մեծ վթարի պատճառ դարձած հայազգի վարորդ Հրաչյա Հարությունյանին իր տեսանյութում խալաթով նկարելուց ու նրան հրապարակավ ստորացնելուց հետո ոչ միայն որևէ կերպ չպատժվեց` այլև կարիերային առաջխաղացում ունեցավ – սեփական պրոպագանդիստական շոուն վարելու հրավեր ստանալով Ռոսիա 24-ի կողմից:
Այս տիկնոջն ու իր նմաններին փոխանցեք, որ Հայաստանում ռուսատյացություն հրահրողները ինքն ու իր նման կարճամիտ, ագռեսիվ ու տակտից զուրկ պրոպագանդիստներն են և որ այլ «մեղավորներին» իրենց շարքերում թող փնտրեն: Թեպետ չեմ կարող չարձանագրել, որ ռուսատյացության մեջ հայերին ու Հայաստանը մեղադրելը առնվազն էժան պատեհապաշտություն է, իսկ մեղադրողները` պռովոկատորներ, որոնց գործունեությունը սպասվածից շեղակիորեն տարբերվող հետևանքների կարող է բերել:
Սա փոխանցեք նաև նման հայտարարություններին երկրորդող ու «Հայաստանում ռուսատյացություն հրահրող պրոպագանդան» կանգնեցնելու կոչերով հանդես եկող ոմն ռուսահայ բիզնեսմեն` Կարեն Կարապետյանին, նշելով, որ ճիշտ կլիներ իր երկրի` ՌԴ-ի ղեկավարությանն ու ռուս պրոպագանդիստներին հորդորեր, որ ջուրը պղտորելու փորձերին վերջ տային ու իրերը իրենց անուններով սկսեին կոչել – քանզի սա ուղիղ ճանաոարհ է ողջ հայ հանրությանն ու հատկապես ՀՀ քաղաքացուն իրենց իսկ դեմ տրամադրելու` ինչը առաջին հերթին իրենցն իսկ շահերից չի բխում:
