Հանուն Հանրապետության կուսակցության նախագահ Արման Բաբաջանյանը ֆեյսբուքյան իր էջում գրել է.
Անվտանգության խորհրդի այսօրվա նիստի տարածած հաղորդագրության վերջում կարդում ենք. «Անվտանգության խորհուրդը հայտարարում է, որ Հայաստանի Հանրապետությունն իրեն հասու բոլոր միջոցներով պաշտպանելու է իր անկախությունը, ինքնիշխանությունը, տարածքային ամբողջականությունը: Ադրբեջանական զորքերը պետք է դուրս գան ՀՀ օկուպացված տարածքներից»:
Հռչակված նպատակը հակոտնյա է ՀԱՊԿ Հայաստանի անդամակցությանը:
Եթե Հայաստանի իշխանությունը Հայաստանի ապագան տեսնում է անկախ, ինքնիշխան և անխախտ սահմաններով, ապա ՀԱՊԿ-ը հակացուցված է Հայաստանին, քանի որ վերջինը խոչընդոտում է զարգացնել ռազմատեխիկական համագործակցություն հաստատել այն երկրների հետ, տեխնոլոգիական հասանելիութան հասնել այն երկրներից մենք կարող ենք ստանալ ժամանակակից անվտանգային և պաշտպանական համակարգեր և տեխնոլոգիա, գիտելիք, սպառազինություն և դրանք կառավարելու անհրաժեշտ հմտություններ:
ՀԱՊԿ-ը հայտարարել է, որ չի ճանաչում Հայաստանի տարածքային ամբողջականությունը: Ո՜չ 2020-ին, ո՜չ 2021-ին, ո՜չ ադրբեջանական վերջին ագրեսիայի ժամանակ ՀԱՊԿ-ը որպես Հայաստանի ռազաքաղաքական դաշինք իրեն չի դրսևորել, ՀԱՊԿ բոլոր անդամները ողջունել են Ադրբեջանի՝ աղետալի պատերազմով արցախյան խնդիրը լուծելու վարքագիծը՝ խաղաղ բնակավայրերի վրա վերջին մահաբեր հարձակումը որակելով որպես սահմանազատման և սահմանագծման ցավոտ գործընթաց:
ՀԱՊԿ-ից պետք է դուրս գալ, և գործարկել հայ-ռուսական տասնյակին մոտ ռազմական, պաշտպանական համագործակցության բոլոր պայմանագրերով նախատեսված մեխանիզմները, ցանկության դեպքում դրանք ավելի խորացնելով, զարգացնելով և ընդլայնելով, եթե այդպիսիք կան և եթե այդպիսիք իրականում որևէ օգուտ են տալիս Հայաստանին։
