Այս ագրեսիան վերադիրքավորվելու փորձ էր, ստուգվեց Հայաստանի դիվանագիտական և ռազմական ներուժը:«Առաջին լրատվական»-ի հետ զրույցում նշեց տարածաշրջանային հարցերով փորձագետ Արմեն Պետրոսյանը:
Նրա խոսքով՝ այս ագրեսիան նպատակ էր հետապդնում ստուգելու միջազգային հանրության, տարածաշրջանի խաղացողների հնարավոր միջամտությունը ․«Այս ագրեսիան հետախուզություն էր՝ մարտով: Լայնամասշտաբ ագրեսիայի համար մի քանի օրվա ռազմական գործողությունները Հայաստանի համար հնարավորություն էին: Ադրբեջանին զսպող թիվ մեկ դերակատարը ՀՀ-ն է իր ԶՈՒ-ով և դիվանագիտական կարողությամբ»:
Փորձագետը կարծում է, որ հերթական ագրեսիայի փորձը թանկ է նստելու Ադրբեջանի համար, սա պետք է մեզ համար լինի ուղեգիծ․ «Չնայած բազմաթիվ խնդիրներին՝ Հայաստանը վերականգնել է իր դիմադրունակությունը»: