Սեպտեմբերի 12-ին Ադրբեջանի սանձազերծած ագրեսիայի համար, ընդդիմադիրները սեպտեբերի 14-ին հավաք էին կազմակերպել Հանրապետության հրապարակում և Բաղրամյան փողոցում՝ փորձելով կոտրել ԱԺ-ի դարպասները և պահանջել Նիկոլ Փաշինյանի հրաժարականը:
Նշենք, որ նույն օրը ու դրան հաջորդած օրերին՝ ընդդիմադիր պատգամավորերը խուսափել են ներկայանալ ԱԺ նիստերին, չնայած նրան, որ ՔՊ-ական պատգամավորները, հորդորել են այս օրհասական պահին համախմբվել հայրենիքի գաղափարի շուրջ: Այս մասին «Առաջին լրատվական»-ի հետ զրույցում քաղաքագետ Էդվարդ Անտինյանն ասաց, որ երբ պետությունը ներքաշվում է պատերազմի մեջ, ողջ ազգը ոտքի է կանգնում և միասնական դառնում այդ պետության իշխանության շուրջ, քանի որ այդ պահին վտանգված է լինում մեր երկրի պետականությունը:
Ընդդիմության արածը փաստացի ինքնաբուխ հավաք էր, որից որոշ ժամանակ անց հայտնվեցին նրանք, որոնք պետք է կառավարեին դա: Այդ նոր լիդերները, որոնք կարծում էին, որ եթե Սերժ Սարգսյանն ու Ռոբերտ Քոչարյանը չերևան՝ նրանց կհաջողվի մատուցել այլ որակի ծառայություններ և նրանց շուրջ համախմբել ժողովրդին, տեսան, թե ինչպես նրանց «գահընկեց» արեցին այդ հարթակից, որից հետո հայտնվեցին այն ուժերը, որոնք նրանց իրական նպատակը ցույց տվեցին: «Ռոբերտ Քոչարյանը և Սերժ Սարգսյանը իրականացնում են Ադրբեջանի ծրագիրը և նրանք դա չանել չեն կարող. այս դրսևորումը, թշնամու վարքագիծ է: Մենք լավ գիտենք, թե մեր կռված տղաները ինչ խնդիրների միջով են անցել և անցնում, որ մինչև հիմա կենաց-մահու կռիվ են տալիս արդեն Հայաստանի սուվերեն տարածքի համար, իսկ ընդդմադիրները հավաք են կազմակերպում և փորձում իշխանությունը վերցնել. սա աբսուրդ է: Եթե նրանք ի սկզբանե ասեին, թե ով է իրենց վարչապետի թեկնածուն, ժողովուրդը կասեր՝ այս ի՞նչ հանցավոր ծրագիր եք ուզում իրականացնել: Ու անգամ այս պարագայում նրանք խոսում են այն մասին, որ 38 ստորագրություն են հավաքել և մնացել է 18-ը: Պետք է հասկանան, որ իմպիչմենտի գործընթաց սկսելու համար պետք է մեկ երրորդի ստորագրութուն: Այդ 18-ը պետք էր գալու միայն քվեարկության ժամանակ, իսկ իմպիչմենտի ձևաթղթի մեջ պետք է լիներ իրենց նախընտրած վարաչպետի անունը: Նրանք չպետք է հրավիրեին իշխանության 18 թեկնածու, որպեսզի նրանք այդ թղթի տակ ստորոգրեին, քանի որ չնայած այդ ստորագրությանը, նրանք կարող են քվեարկության ժամանակ չպաշտպանել իմպիչմենտը: Չեմ կարծում, որ նրանք այս ամենը չէին հասկանում: Այդ անգրագիտությունը նրա համար էր, որ քողարկեին ու ցույց չտային՝ սեպտեմբերի 14-ի հավաքի հեղինակի՝ Ռոբերտ Քոչարյանի անունը»,- ընդգծեց Անտինյանը:
Քաղաքագետի համոզմամբ՝ հավաքը կրեց խայտառակ ձախողում, որից հետո նման հավաքների իմաստն անգամ չկա, քանի որ այդ ձախողումը բոլոր առումներով էր: Երբ նրանք գոռում են, որ պետք է ՀԱՊԿ-ից դուրս չգանք, Ռուսաստանի հետ հարաբերությունները խորացնենք, տպավորություն է, որ չեն տեսնում, թե ինչ է կատարվում Ռուսաստանում ուկրաինական պատերազմի մասով և այն, որ ՌԴ-ն այստեղ այլևս ի վիճակի չէ դիմակայելու Ադրբեջանին և Թուրքիային, չնայած նրան, որ դա չի էլ ցանկանում, որովհետև նրանցից կախում ունի: Այս ամենը, որն ակնհայտ է, չտեսնել ու նրանց քաղաքական ուժ համարել՝ ցույց է տալիս մեկ բան, որ նրանք պարզապես դրածո են ու այստեղ չի կարող որևէ խոսք գնալ քաղաքական ուժի մասին:
«Քաղաքական այս խժդժությունները չեն կարող մեր պետությանը շեղել այն ծրագրից, որը նա պետք է իրականացնի, որպեսզի մեր պետականությունն այն աստիճան չվտանգվի, որ կորցնենք: Մենք պետք է կարողանանք ստանալ հստակ երաշխիքներ, որ միջազգային գործընկերը կարող են զանգել Ադրբեջանին և Թուրքային ու ասել. «բախտներդ չփորձե՛ք»: Բարեբախտաբար, ԱՄՆ-ից կոշտ ու հասցեական արձագանք տեսանք, այդ թվում նաև՝ ՀՀ իշխանությունները խոստովանեցին, որ ԱՄՆ-ի գործուն աջակցությամբ եղավ զինադադար, որն էլ վկայեց այն մասին, որ ճիշտ ուղու վրա ենք, սակայն պետք է համարել, որ դեռևս ջանքերը բավարար չեն, եթե բավարար լինեին՝ Ադրբեջանն անգամ չէր համարձակվի հարձակում գործել: Մենք լուրջ անելիք ունենք: Եթե իշխանության ձեռքերը կապված են հայ-ռուսական դաշնակցային հարաբերություններով՝ գոնե տեսանք, թե ՀԱՊԿ-ի արած հայտարարությունն ինչ խեղակատակություն է, որի արդյունքում տեսանք նաև Ռուսաստանի վերաբերմունքը ու այդ ժամանակ ՀՀ իշխանոթյան ձեռքերը գոնե որոշ չափով ազատվեցին: Արևմտամետ ուժերը ևս լրջագույն անելիք ունեն, որպեսզի համախմբվեն և այդ ձևաչափով ցույց տան այնպիսի ծրագիր, որի արդյունքում ԱՄՆ-ն կտեսնի մեր մեջ գործընկերոջ: Ցավոք, մենք ունենք ընդդիմությունը, որը «ռուսամեռ» է, ոչ թե դաշնակից»,- կարևորեց Էդվարդ Անտինյանը: