Երբ նոյեմբերի 9-ից հետո ծավալվեց դիսկուրս անվերապահ կապիտուլյացիայի մասին, ապա ինչու Ադրբեջանը չպետք է համարի, որ Հայաստանը կապիտուլացված է և թելադրի իր պայմանաները: «Առաջին լրատվական»-ի հետ զրույցում նշեց Արցախի խորհրդարանի արտաքին հարաբերությունների մշտական հանձնաժողովի նախկին նախագահ Վահրամ Աթանեսյանը:
Ըստ Աթանեսյանի` նոյեմբերի 9-ի ֆորմալ ձևակերպումները պաշտպանելու հնարավորությունը բաց թողեցինք. «Ստեփանակերտն ու Երևանը նոյեմբերի 9-ից հետո բաց են թողել հնարավորությունը: Դիվանագիտական նուրբ, բայց ակտիվ աշխատանքին պետք է միանա նաև Ստեփանակերտը: Ակտիվ աշխատանքով կարող ենք դիվանագիտական հակակշիռ ստեղծել ադրբեջանական քաղաքական էքսպանսիային»:
Աթանեսյանը կարծում է, որ ԼՂ խնդիրը պետք է տարանջատվի, Հայաստանն ու Ադրբեջանը գնան խաղաղության պայմանագրի ստորագրման. «Այս փուլում խաղաղության պայմանագրի չստորագրումը հայրենասիրություն չէ»:
