Արդեն երկու օր է, ինչ Ադրբեջանը ագրեսիա է դրսևորում հայ-ադրբեջանական սահմանին։ ՀԱՊԿ-ը հստակ քայլեր չի ձեռնարկում Հայաստանին օգնելու համար, միջազգային գործընկերներ ևս անտարբեր են, հնչվում են միայն կոչեր, սակայն գործնականում ոչինչ չի արվում։
Երիտասարդներից շատերը համալսարանների դիմաց կամ այլ վայրերում օգնություն են հավաքում՝ զինվորների ուղարկելու նպատակով։ «Առաջին լրատվակն»-ի հետ զրույցում Մեծամորի երիտասարդական խորհրդարանի համահիմնադիր Շողեր Ղլիջյանն ասաց՝ գնահատելով երկրում տիրող իրավիճակը, խորհրդարանականներով երեկ կարողացան արագ ինքնակազմակերպվել և քաղաք Մեծամորում սկսեցին դեղորայքի և անհրաժեշտ միջոցների հավաքագրումը։ Հավաքեցին 70 տուփից ավել դեղորայք, ծխախոտ և չոր սնունդ, որը մեր միջոցներով կուղարկենք դիրքեր։ Այսօր ևս այն շարունակելու են, քանի որ խորհրդարանն իր գործունեությունը ծավալում է միավորված Մեծամորի 31 բնակավայրում, այսօր բնակավայրերի ներկայացուցիչ ֊ խորհրդարանակնները իրենց համայնքաներում են իրականացնելու հավաքագրումը,որն ավելի արդյունավետ կլինի։ Ասում է՝ պետք է կարողանան իրավիճակը ճիշտ գնահատել, լաց ու կոծը մի կողմ թողնել ու որևէ օգտակար գործ անել, որը կօգնի մեր սահմանապահ տղաներին։
Երևանի պետական համալսարանում կամավորությունը կազմակերպած տղան մեզ հետ զրույցում ասաց, որ այս ամենը անում են սահմանին կանգնած իրենց եղբայրներին օգնելու համար։ Աշխատանքները սկսել են ադրբեջանական ագրեսիայի դրսևորման հենց առաջին օրվանից։ Նա ևս ծառայել է և մասնակցել արցախյան երկրորդ պատերազմին ու տեսնելով՝ կատարվածը ձեռնամուխ է եղել լծվել այս գործին և դրա շուրջ համախբել նաև մնացած ուսանողներին, որոնք ևս որոշ չափով կարող են օգտակար լինել։ Ուսանողներն էլ իրենց հերթին մասանակցում են կամավորությանն ու իրենց ուժերի չափով օգնում։ Օգնությունը տղաների ուղարկում են՝ սահման գնացող իրենց ծանոթների միջոցով, որպեսզի վստահ լինեն, որ օգնությունը ժամանակին հասել է և ճիշտ հասեցատերերին։ԵՊՀ «Արաբագիտություն» ֆակուլտետի երկրորդ կուրսի ուսանող Վլադ Գևորգյանը մեզ հետ զրույցում ասաց, որ հաշվի առնելով՝ նախորդ պատերազմում եղած դեպքերը, երբ օգնությունը տղաներին չէր հասնում, որոշել են դա տեղ հասցնել իրենց ծանոթների միջոցով։ «Ոչ բոլոր ուսանողներն լծված այս գործին, որոշները զբաղված են իրենց իսկ անձնական գործերով, սակայն կան սրտացավ ուսանողներ, որոնք անշահախնդրորեն միացել են այս գործին»։ Վլադի խոսքով՝ կամավորության արդյուքները գոհացուցիչ են, վերջին ուղարված մեքենան հաջողությամբ տեղ է հասել։ Ասում է՝ ցանկացել են համալսարանի ուսանողական խորհրդին ևս ներգրավվել ու կամավորության լուրերը տարածել նրանց միջոցով, սակայն համաձայնություն չեն ստացել և բավարվել են իրենց միջոցներով։
Համալսարանի դեկանատից որևէ բացասական արձագանքի չեն արժանացել, դասախոսներից որոշներն էլ միանում են այս գործին և իրենց օգնությունն առաջարկում։ Դասերից բացակայելու դեպքում էլ՝ բացակաները դրվում են, սակայն դա չի խանգարում ուսանողներին այս օրհասական պահին լծվել հայրենքի համար կարևորագույն գործին։
