Սեպտեմբերի 18-ին ՔՊ համագումարն ու վարչության ընտրություններ էին նախատեսված։ Հաշվի առնելով երկրում ստեղծված իրավիճակը՝ ՔՊ համագումարն ու վարչության ընտրությունները հետաձգվում են անորոշ ժամկետով։ Այդ մասին «Առաջին լրատվական»-ի հետ զրույցում ասաց ԱԺ ՔՊ խմբակցության քարտուղար Արթուր Հովհաննիսյանը։
Հիշեցնենք, որ սեպտեմբերի 13-ին՝ ժամը 00։05-ից Ադրբեջանի ԶՈՒ-ն հարձակողական գործողություններ է ձեռնարկել Հայաստանի ուղղությամբ 4 ուղղություններով։ Ադրբեջանի ԶՈՒ ստորաբաժանումները Գորիսի, Սոթքի և Ջերմուկի ուղղությամբ հրետանային միջոցներից, խոշոր տրամաչափի հրաձգային զինատեսակներից սկսել են ինտենսիվ կրակ վարել հայկական դիրքերի ուղղությամբ: Կիրառվել են նաև ԱԹՍ-ներ։ Վարչապետ Նիկոլ Փաշինյանը ԱԺ-ում իր ելույթում նշեց, որ հետագայում ևս 2-+3 ուղղություն է ավելացել: Նա նաև նշեց, որ այս պահին ՊՆ-ի կողմից հաստատաված 49 զոհ ունենք, բայց այդ թիվը, ցավոք, վերջնական չէ: