Ղազախստանի խորհրդարանի՝ Մաժլիսի (ստորին պալատ) պատգամավորները չորեքշաբթի քվեարկել են հանրապետության առաջին նախագահ Նուրսուլթան Նազարբաևին նվիրված օրը պետական տոների ցուցակից հանելու օգտին։ Այդ մասին հաղորդել է ТАСС լրատվական գործակալությունը:
Համապատասխան փոփոխություններն ընդգրկվել են կինեմատոգրաֆիայի և մշակույթի հարցերով որոշ օրենսդրական ակտերում փոփոխություններ և լրացումներ կատարելու մասին օրենքի նախագծում: Խորհրդարանականներն առաջարկել են դեկտեմբերի 1-ի առաջին նախագահի օրվա տոնակատարությունը սահմանել այնպիսի նշանակալի տարեթվերի պես, ինչպիսիք են պետական խորհրդանիշների օրը, հասարակական նշանակալի ներուժ ունեցող այլ տարեթվերի օրերը և բացառել այն պետական տոների ցանկից: