Կոնֆերենցիաների լիգայի խմբային փուլի առաջին խաղում վաղը Հայաստանի չեմպիոն «Փյունիկը» կհյուրընկալվի շվեյցարական «Բազելին»։ Հիշեցնենք, որ մեր թիմը H ենթախմբում է, որտեղ ընդգրկված են նաև Լիտվայի չեմպիոն «Ժալգիրիսը» և Սլովակիայի չեմպիոն «Սլովանը»։ Վերջին օրերին մեր թիմը մի քանի լուրջ համալրումներ ունեցավ։ Թիմին է միացել 32-ամյա հյուսիսմակեդոնացի կիսապաշտպան Ստեֆան Սպիրովսկին: Սպիրովսկին նախկինում հանդես է եկել հյուսիսմակեդոնական «Պելիստերում», «Ռաբոտնիչկիում», «Վարդարում», սերբական «Բորաց Չաչակում», բուլղարական «Բերոեում», հունգարական «Ֆերենցվարոշում», իսրայելական Թել Ավիվի «Հապոելում», կիպրոսյան «ԱԵԿ Լառնակայում» և ուկրաինական «Մարիուպոլում»։ Նրա վերջին թիմը եղել է հունգարական ՄՏԿ-ն։
Նշենք, որ Սպիրովսկին խաղացել է իր երկրի Մ-17, Մ-19 և Մ-21 տարեկանների հավաքականներում, իսկ 2011թ․-ից հանդես է եկել Հյուսիսային Մակեդոնիայի ազգային հավաքականում և անցկացրած 52 խաղում դարձել է 1 գոլի հեղինակ։ Նա ընդգրկված էր Եվրո-2020-ում Հյուսիսային Մակեդոնիայի հավաքականի կազմում և մասնակցել է խմբային փուլի` Ուկրաինայի հավաքականի դեմ հանդիպմանը։ Թիմին է միացել նաև 29-ամյա ուկրաինացի հարձակվող Ռոբերտ Գեգեդոշը:Գ եգեդոշը նախկինում հանդես է եկել ուկրաինական «Գովերլայում», «Մետալիստ-2»-ում, «Կրեմինում», «Պոլյանայում», «Մինայում», «Մետալիստ-1925»-ում, «Վերեսում» և «Պերեմոգայում»։Ուկրաինացի ֆուտբոլիստի վերջին թիմը լեհական «Գուռնիկ Պոլկովիցեն» էր: «Փյունիկին» է միացել նաև վարձավճարով ԲԿՄԱ-ում ելույթ ուենցած 20-ամյա կիսապաշտպան Գրենիկ Պետրոսյանը, ինչպես նաև Հայաստանի ազգային հավաքականի հարձակվող Ալեքսանդր Կարապետյանը։ Վերջինս ելույթ էր ունենում Երևանի «Ալաշկերտում»։
Չմոռանանք, որ «Փյունիկը» Եվրոպա լիգայի փլեյ-օֆֆում Մոլդովայի չեմպիոն «Շերիֆի» արգելը չհաղթահարեց մասնավորապես կադրային խնդիրների պատճառով։ «Փյունիկի» ղեկավարությունը իրականացնելով սեկեկցիոն աշխատանք փորձում է կարգավորել իրավիճակը։ Մեր չեմպիոնը պայքարելու է միանգամից երկու ֆրոնտում՝ Հայաստանի առաջնությունում և Կենֆերենցիաների լիգայում։ Առանց երկար պահեստայինների նստարանի ուղղակի անիմաստ կլինի բարձր արդյունք ակնկալել «Փյունիկից»։ Չմոռանքն, որ անցյալ տարի կադրային խնդիրների պատճառով Հայաստանի չեմպիոն «Ալաշկերտը» ձախողվեց Կոնֆերենցիաների լիգայում ինչպես նաև կտրուկ անկում ապրեց Հայաստանի առաջնությունում։ «Սեպտեմբեր ամիսը շատ դժվար է լինելու մեզ համար, քանի որ մեզ մոտ ավարտվում է սելեկցիոն գործընթացը և արդեն պետք է վերջնականապես կառուցենք թիմը, լավ մարզավիճակ ձեռք բերենք, որպեսզի կարողանանք հաջող ելույթներ ունենալ մի քանի ճակատներով։ Ես չեմ ցանկանում, որ մենք սեպտեմբերին միավորների անտեղի կորուստներ ունենանք։ Ինձ թվում է՝ մեր թիմը հատկապես վերջին շրջանում լավ համալրումներ ունեցավ։ Սեպտեմբեր ամիսը շատ կարևոր է և պետք է լավ աշխատենք, որպեսզի կորուստներ չունենանք։ Ես համոզված եմ, որ արդեն հոկտեմբերին և նոյեմբերին մենք բոլորովին այլ թիմ կունենանք»- VBET Պրեմիեր լիգայի 6-րդ տուրի «Լեռնային Արցախի» հետ հանդիպումից հետո ասել էր «Փյունիկի» գլխավոր մարզիչ Եղիշե Մելիքյանը։
Այո «Փյունիկին» այսօր գտնվում է կարևոր մի հանգրվանում։ Սեպտեմբերին Մելիքյանի թիմն անցլ է կացնելու չորս հանդիպում, որոնցից երկուսը՝ եվրագավաթային։ Սեպտմբերի 15-ին մեր չեմպիոնը Երևանում հյուրընկալելու է «Սլովանին»։ Հայաստանի առաջնության շրջանակներում էլ «Փյունիկը» խաղալու է ԲԿՄԱ-ի և «Ուրարտուի» հետ։ Սա լուրջ փորձություն պետք է համարել «Փյունիկի» համար։ Ինչ խոսք առաջիկա հանդիպումներից առավել կարևոր են եվրագավաթային մրցավեճերը։ «Փյունիկը» հայտնվել է այնպիսի ենթախմբում, որտեղ կարելի է պայքարել Կոնֆերենցիաների լիգայի 1/16-րդ եզրափակչի ուղեգրի համար։
