Ֆուտբոլի Հայաստանի առաջնությունում արձանագրվեց առաջին մրցավարական «կարդոբալետը», որի հեղինակը ֆուտբոլային հասարակության քաջ հայտնի Զավեն Հովհաննիսյանն է։ Օգոստոսին 28-ին տեղի ունեցած Հայաստանի VBET Պրեմիեր լիգայի 5-րդ տուրի «Շիրակ»-«Արարատ-Արմենիա» մրցավեճում Հովհաննիսյանը 11 մետրանոց հարված էր նշանակել հօգուտ Գյումրիի թիմը այնուհետեւ չեղարկել այն։ «Շիրակ» ակումբը բողոք էր ներկայացրել ՀՖՖ։ Եվ ահա երեկ, «Շիրակը» տարածեց պաշտոնական հայտարարություն։ ««Շիրակ» ֆուտբոլային ակումբը վիճարկել էր ընդդեմ «Արարատ-Արմենիայի» խաղի ժամանակ մրցավար Զավեն Հովհաննիսյանի կայացրած 11 մետրանոց հարվածը չեղարկելու որոշումը: ՀՖՖ Մրցավարական կոմիտեն հաստատել է, որ մրցավարը՝ գտնվելով լավ դիրքում, պետք է կայացներ հստակ որոշում և այնուհետև չփոփոխեր իր սկզբնական որոշումը: Մրցավարը կկրի իր պատժամիջոցը՝ համաձայն ՀՖՖ կանոնակարգերի»: Հատկանշական է, որ Հովհաննիսյանը որոշումը փոխում է «Արարատ-Արմենիայի» ֆուտբոլիստների իր նկատմամաբ գործադրած ճնշումից հետո։ Տպավորությունն այնպիսին է, որ Հովհաննիսյանն ուղղակի վախենում է երևանյան թիմի ֆուտբոլիստներից և փոխում որոշումը։
Եթե դա այդպես է, ապա ՀՖՖ-ն հրատապ միջոցներ պետք է ձենարկի Հովհաննիսյանի վախը բռնելու համար։ Ոմանք կարող են հակադարձել, նշելով, որ Հովհաննիսյանը խորհրդակցում է եզրային մրցավարի հետ։ Տվյալ դրվագում սակայն եզրային մրցավերը գտնվում էր խաղադաշտի մյուս հատվածում։ Սա առաջին դեպքը չէ, երբ Հովհաննիսյանը փոխելով որոշումը պղծում է մեր առաջնության ֆուտբոլային հանդիպումները։ Հայաստանի նախորդ առաջնության սկզբնամասում ևս արձանագրվել էր սկանդալ Զավեն Հովհաննիսյանի թեթև ձեռքով։ «Նաիրի» մարզադաշտում տեղի ունեցած «Սևան»-«Արարատ» հանդիպումը սպասարկող այս անձը առաջնության առաջին «սխրագործությունն» էր գործել 3 միավորից զրկելով «Արարատին»։ Հանդիպման 18-րդ րոպեին 1։0 հաշվի ժամանակ «Արարատի» կիսապաշտպան Էդգար Մալաքյանը հավասարեցրել էր հաշիվը, սակայն Հովհաննիսյանի բրիգադը որոշում է, որ գոլը արձանագրվել է խաղից դուրս վիճակ։ Տվյալ դրվագում «Սևանի» պաշտպան Արթուր Քարտաշյանը, վայր գցելով «Արարատի» հարձակվող Սիլուեին, փորձել էր հեռացնել գնդակը, սակայն այն հայտնվել էր Մալքայանի մոտ։ Տուգանային հրապարակի մատույցներում գտնվող գլխավոր մրցավարը չէր նկատել կամ չէր ցանկանել նկատել, որ Մալաքյանը գնդակը ստացել էր մրցակցի պաշտպանից և խաղից դուրս վիճակ չէր կարող լինել։ Հովհաննիսյանը Զավենը նախ ձեռքի շարժումով հաշվել էր գոլը, այնուհետև նայելով եզրային մրցավարին արձանագրել էր խաղից դուրս վիճակ։ Նշենք, որ եզրային մրցավարն ի տարբություն Հովհաննիսյան Զավենի, գտնվել էր տվյալ դրվագից մի քանի անգամ ավելի հեռու։ Փաստորեն,Գյումրիում տեղի ուենցածն արդեն երկրորդ դեպքն է երբ Հովհաննիսյանը կայացնում է որոշում այնուհետև փոխում այն։ Հովհաննիսյան Զավենը և նմանատիպ այլ անձինք տարիներ շարունակ մեր ֆուտբոլի «հերն անիծում են»։
Այս անձանց ներկայությունը խաղադաշտում բազմաթիվ ֆուտբոլիստների, մարզիչների և երկրպագուների մոտ ուղղակի տհաճ զգացողություններ է առաջացնում։ Ցավով պետք է արձանագրենք¸որ բողոքարկումները ոչինչ չեն փոխում։ Հովհաննիսյանի և նմանատիպ այլ անձանց կայացած ֆուտբոլ ունեցող որևէ երկրում դժվար թե գնդակին մոտ թողնեին։ Բայց մեզ մոտ այլընտրանք չկա։
Հայաստանի ֆուտբոլի ֆեդերացիան վերջին տարիներին առաջնության կարևորագույն հանդիպումները սպասրակելու համար արտասհմանից է մրցավարներ հրավիրում։ Պարզ է, որ սա հարցի լուծում չէ։ Մրցաշրջանի ընթացքում մեր «սուձյաներն» անում են ինչ ուզում են, որոշում են չեմպիոնների ու մրցանակակիրների հարցը։
