«ԱՄՆ նախկին նախագահ, հանրապետական Դոնալդ Թրամփը և նրա կողմնակիցները ամերիկյան քաղաքական համակարգի հիմքերին սպառնացող ծայրահեղականության մարմնավորումն են». այս մասին հայտարարել է ԱՄՆ նախագահ Ջո Բայդենը՝ Ֆիլադելֆիայում դեմոկրատական արժեքներին և հանրապետականների քաղաքականությանը հակազդելուն նվիրված ելույթում։ Ելույթի հեռարձակումն արվել է Սպիտակ տան կայքում։
«Ամերիկայում բեկումնային պահ է, երբ որոշվում է, թե ինչպիսին կլինի ապագան», – ասել է նա,- «և հիմա Ամերիկան պետք է ընտրի՝ առա՞ջ շարժվել, թե՞ ետ գնալ, կառուցել ապագա՞ն, թե՞ տարված լինել անցյալով, լինել հույսի, միասնության ու լավատեսության երկի՞ր, թե՞ վախի, պառակտման ու խավարի»,- ընդգծել է նախագահը: