Ռուսաստանը, Չինաստանը եւ Իրանն ավելի ու ավելի են մերձենում, ինչը կարող Է խափանել Միացյալ Նահանգների նպատակները: Այդ մասին ասված Է սեպտեմբերին 1-ին Axios պորտալի հրապարակած հոդվածում:
Խոսելով Իրանի եւ Ռուսաստանի հետ հարաբերությունների մասին՝ անունը չհայտնած չինացի դիվանագետը հրատարկության հետ զրույցում «միանգամայն բնական» Է համարել այն փաստը, որ, տեսնելով ԱՄՆ-ի կողմից ճնշումն ու պատժամիջոցները, երկրները մերձենալու են:
Axios-ի գնահատմամբ՝ երեք երկրների միջեւ հարաբերություններն իրականում որոշվում են «հատուկ շահերով եւ Վաշինգտոնին մարտահրավեր նետելու՝ փոխադարձ ցանկությամբ», այլ ոչ թե ընդհանուր արժեքներով կամ խորը կապերով: ՉԺՀ-ն պաշտոնապես չեզոք դիրք Է զբաղեցնում Ուկրաինայում Ռուսաստանի հատուկ գործողության առնչությամբ: Իսկ Մոսկվան, գրում Է պորտալը, հրապարակայնորեն հավանություն Է տվել «Պեկինի ուժային պատասխանին» ԱՄՆ-ի Կոնգրեսի Ներկայացուցիչերի պալատի խոսնակ Նենսի Փելոսիի այցին Թայվան:
Երկրները հաճախ են փոխգործակցում ՄԱԿ-ի Անվտանգության խորհրդում քվեարկությունների ընթացքում եւ, բացի դրանից, Չինաստանը մասնակցում Է «Արեւելք-2022» ռազմավարական հրամանատարա-շտաբային զորավարժություններին:
Մինչդեռ Ռուսաստանի եւ Իրանի հարաբերություններն ընդունում են «ավելի ռազմավարական բնույթ», նշել Է Արեւմուտքի երկրներից մեկի՝ անունը չհայտնած պաշտոնյան: Նրա խոսքով՝ «Ռուսաստանն Իրանի կարիքն ավելի շատ ունի, քան նախկինում»:
Չինաստանն ավելացնում Է իրանական նավթի գնումները, ինչն օգնում Է իսլամական հանրապետության տնտեսությունը պահելու գործուն վիճակում: Այդ գործողությունները հանգեցնում են այն բանին, որ ԱՄՆ-ը կորցնում Է Իրանի վրա «ներգործության լծակները», ընդգծել Է պորտալը, հաղորդել Է ՏԱՍՍ-ը: