Ադրբեջանը շտապում է, որպեսզի ստորագրվի խաղաղության համաձայնագիրը: «Առաջին լրատվական»-ի հետ զրույցում նշեց Երևանի մամուլի ակումբի նախագահ բորիս Նավասարդյանը:
Նրա խոսքով՝ Արդբեջանը ունի ուժային առավելություն, այն տեքստը, որ ստորագրվելու է՝ մեկնաբանվելու է այնպես, ինչպես ձեռնտու է Բրյուսելին․ «Եթե Բրյուսելում ձևավորվի խաղաղության շուրջ աշխատանքային խումբ, վատ չի լինի : Չպետք է թույլ տանք, որ Բրյուսելյան ձևաչափը լինի միայն տեքստի շուրջ, այն պետք է լինի բովանդակային: Բրյուսելյան ձևաչափի առումով շատ բան արդեն կորցրել ենք դեռ 2021-ի դեկտեմբերին»:
Բորիս Նավասարդյանը կարծում է, որ եթե մինչև պատերազմը կարելի էր խոսել մոսկովյան ու բրյուսելյան ձևաչափերի փոխգործակցության մասին, այսօր դա առկա չէ․ «Ադրբեջանը ձգտելու է, որ բրյուելյան հարթակում միայն տեքստային հարցերը լուծվեն, իսկ մյուս հարցերը Մոսկվայի հետ: Հայաստանը պետք է օգնի ԵՄ-ին ու ԱՄՆ-ին Արցախի հետ կապված որոշ հարցեր դարձնել օրակարգային: Որքան էլ Մոսկվան կոշտ արտահայտություններ անի, չի փորձի սրել հարաբերությունները ԵՄ հետ»: