ՄԻԵԴ-ում գործընթացները բնականոն հունով են ընթանում, այլ հարց է, որ այն որոշակի տևականություն է պահանջում: «Առաջին լրատվական»-ի հետ զրույցում նշեց ՄԻԵԴ-ում հայ ռազմագերիների ներկայացուցիչ, փաստաբան Սիրանույշ Սահակյան
Ըստ փաստաբանի` ՄԻԵԴ որոշումներին պետք է սպասել մի քանի տարի. «Ադրբեջանը գիտակցում է, որ պարտվելու է միջազգային իրավական գործընթացներում: Ադրբեջանն այժմ ապավինում է քաղաքական գործընթացներին»:
Փաստաբանը կարծում է, որ կոշտ արտաքին քաղաքական կուրսի պայմաններում կարող ենք հասնել Ադրբեջանի նկատմամբ ճնշումների. «Քաղաքական նախադրյալները հայանպաստ չեն: ՀՀ իշխանությունները պետք է կոշտ դիրքերից հանդես գան: Հայկական կողմը Բաքվի ծանր քաղաքական պահանջներն է բավարարել: Խաղաղության պատրանքի ներքո Բաքուն մեզ պարտադրում է քաղաքական պահանջներ: Հայկական կողմը մարդասիրական խնդիրների լուծման նպատակով ակնկալում է երկխոսություն: Քանի դեռ մարդասիրական խնդիրները չեն լուծվել, հայկական կողմը պետք է վերջնագիր ներկայացնի»: