«Վաղվա Արցախ» կուսակցության ղեկավար Տիգրան Պետրոսյանը իր համախոհների հետ օգոստոսի 26-ից Ստեփանակերտի Վերածննդի հրապարակում ցույց է իրականացնում ։ Ցուցարարները պահանջում են Արցախի Անվտանգության խորհրդի քարտուղար Վիտալի Բալասանյանի, պետական նախարար Արտակ Բեգլարյանի, Ֆինանսների նախարար Վահամ Բաղդասարյանի հրաժարականները։
Տիգրան Պետրոսյանը մեզ հետ զրույցում նշեց, որ պատերազմից հետո Արցախում ոչինչ չի փոխվել․ եթե այսպես շարունակվի մեր երեխաները հայտնվելու են մեր վիճակում․ «Անորոշության մեջ ենք, Արցախում ներքին հարցերը չլուծված են:Արայիկ Հարությունյանի հրաժարականը չենք պահանջում, որովհետև չենք ուզում խարխլել պետականությունը:Այս պահին նպատակահարմար չէ Արայիկ Հարությունյանի հրաժարականի պահանջը, որովհետև ընտրություններ հնարավոր չեն: Արայիկ Հարությունյանը պատրաստ է այդ մարդկանց պաշտոններից ազատել, եթե շատ մարդ հավաքվի»: