Իրաքի մայրաքաղաքում առնվազն 30 մարդ Է զոհվել զինված ընդհարումների հետեւանքով: Оգոստոսի 30-ին այդ մասին հաղորդել Է Al Hadath հեռուստաալիքը: Ավելի վաղ հաղորդվել Էր 20 զոհվածների մասին: Իրաքի Rudaw հեռուստաալիքի վարկածով՝ բախումների ընթացքում տուժել Է առնվազն 380 մարդ:
Օգոստոսի 30-ի առավոտյան հաղորդումներ են ստացվել Բաղդադի «կանաչ գոտու» հրթիռակոծման մասին, որտեղ գտնվում են կառավարական հիմնարկությունները եւ օտարերկրյա պետությունների դեսպանատները: Sky News Arabia հեռուստաալիքը տեղեկացրել Է, որ հարվածը հասցվել Է չորս հրթիռներով: Օգոստոսի 29-ին շիաների իմամ Մուքթադա աս Սադրի հարյուրավոր կողմնակիցներ, որը հայտարարել Է քաղաքականությունից իր հեռանալու մասին, գրավել են Բաղդադի «կանաչ գոտին», շրջապատել Հանրապետության պալատը եւ մտել շենք:
Չնայած ամբողջ երկրում սահմանված պարետային ժամին, մայրաքաղաքում եւ Իրաքի մի քանի տարածաշրջաններում շարունակվում են բախումները: Ինչպես օգոստոսի 30-ին հայտնել Է Al Arabiya հեռուստաալիքը, այն շրջանում, որտեղ գտնվում Է Իրաքի խորհրդարանի շենքը, կիրառվել են RBG-6 նռնականետեր: Al Jazeera հեռուստաալիքի տվյալներով, Իրաքի կառավարության եւ մի շարք քաղաքական ուժերի առաջնորդներ օգոստոսի լույս 30-ի գիշերը բանակցություններ են վարել «կանաչ գոտում» հրադադարի շուրջ, սակայն ձեռք բերված համաձայնությունների մասին տեղեկատվություն չեն հայտնում, հաղորդել Է ՏԱՍՍ-ը: