ՔՈ կուսակցության գործադիր անդամ Հայկ Սահակյանն ու «Ինքնիշխան Հայաստան» կուսակցության փոխնախագահ Հովսեփ Ղազարյանը ՊՆ նախագիծը խիստ վտանգավոր են համարում:
Հովսեփ Ղազարյանի խոսքով՝ այս օրինագծի նպատակն է՝ պրոֆեսիոնալ բանակի կառուցում, բայց արդյոք այն աշխատող է մեր իրականության մեջ․ «Սահմանները պահելու հարցում խնդիր ենք ունենալու: ՊՆ օրինագիծը մեր իրականության մեջ ժամանակավրեպ է: ՊՆ նախագիծը ատելության ու սոցիալական անհավասարության խնդիր է առաջացնելու»:
Հայկ Սահակյանն էլ նկատեց․ «Իշխանությունը հանձնվում է կոռուպցիային․ ՊՆ նախագիծը խնդրահարույց է, քայքայիչ ու դեգեներատ բնույթ ունի, գլխագին է»:
Հովսեփ Ղազարյանը նաև տեղեկացրեց, որ Վազգեն Սարգսյանի անվ․ ռազմական ինստիտուտ այս տարի ընդունելություն չի եղել․ «Սա խայտառակ վիճակ է: Տարածաշրջանը նոր պատերազմի շեմին է, իսկ մենք նման վտանգավոր նախագիծ ենք քննարկում»: