ԱՄՆ պետքարտուղար Էնթոնի Բլինքենը Կովկասի բանակցությունների ավագ խորհրդական է նշանակել պետքարտուղարի Եվրոպայի ու Եվրասիայի հարցերի նախկին օգնական Ֆիլիպ Ռիկերին: Փաստացի, Ռիկերը նշանակվել է ԵԱՀԿ Մինսկի խմբի ամերիկացի նոր համանախագահ՝ Էնդրյու Շոֆերի փոխարեն: ԱՄՆ պետքարտուղարը հայտնել է, որ Միացյալ Նահանգները հավատարիմ է Հայյաստանին ու Ադրբեջանին երկարաժամկետ կարգավորման հարցում աջակցելուն, Հայաստանի և Ադրբեջանի միջև ուղիղ երկխոսությանը նպաստելուն: Թեև պետքարտուղար Բլինքենը նշել է Մինսկի խմբի համաախագահի աշխատանքը շարունակելու ԱՄՆ հանձնառությունը, այդուհանդերձ նկատելի է, որ Վաշինգտոնը բավականին մեծ շեշտադրում է կատարում պայմանականորեն նոր տրամաբանության՝ Հայաստան-Ադրբեջան ուղիղ շփման վրա: Թեմայի շուրջ «Առաջին լրատվական»-ը զրուցել է տարածաշրջանային հարցերով փորձագետ Արմեն Պետրոսյանի հետ:
Փորձագետի խոսքով` Ռիկերի նշանակումով ԱՄՆ-ն վերահաստատում է հետևողական դիրքորոշումը արցախյան հարցում:
