Haber Global գործակալության տված հարցազրույցում Թուրքիայի ԱԳ նախարար Մևլութ Չավուշօղլուն դարձյալ փոխկապակցել է հայ- թուրքական ու հայ- ադրբեջանական գործընթացները՝ առաջ քաշելով Արցախի ապառազմականացման, «Զանգեզուրի միջանցքի» հարցերը: Ակնհայտորեն, հիմքեր են ստեղծվում «ոչ կառուցողական» Հայաստանի վրա պատասխանատվությունը բարդելու ու անվտանգային նոր ճգնաժամ հարուցելու համար, մանավանդ, որ առաջիկա օրերին տուրբուլենտության նոր մակարդակ է սպասվում նաև Ուկրաինայում: Թեմայի շուրջ «Առաջին լրատվական»-ը զրուցել է թուրքագետ Նելլի Մինասյանի հետ:
Թուրքագետը կարծում է, որ -Անկարան հայ-թուրքական հարաբերությունների կարգավորումը պայմանավորում է հայ-ադրբեջանական հարաբերություններով․ «Թուրքիան ու Ադրբեջանը փորձում են հասնել նրան, որ արցախյան հարցը դադարի գոյություն ունենալ: Թուրքիային իրականում հետաքրքրում է միայն «Զանգեզուրի միջանցքը»: Ենթադրվում է, որ թուրք-ադրբեջանական կողմը Մոսկվայի հետ ինչ որ քննարկումների մեջ է»: